யார் இந்து விரோதி?

கேள்விகளுக்குப் பதில் உண்டா?

Published May 29, 2023

யார் இந்து விரோதி?

1) எல்லோரும் இந்துக்கள் என்றால் பெரும்பான்மை மக்களான பிற்படுத்தப்பட்ட தாழ்த்தப்பட்ட மக்கள் வணங் கும் கடவுள்களான அய்யனாரையும் காத்தவராயனையும் கருப்பசாமியையும் மதுரை வீரனையும் பார்ப்பனர்கள் வணங்குவதில்லையே ஏன்? 

2) பெரும்பான்மை மக்களது மேற்கண்ட கடவுள்களுக்கு பூசாரிகளாகப் பார்ப்பனர்கள் வந்து கிடாய்வெட்டிப் பூஜை போடுவதில்லையே ஏன்? 

3) கருப்பசாமி கோயில் பூசாரியையும் காளிகோயில் பூசாரியையும் பார்ப்பனர்கள் பூஜை செய்யும் கோயில் கர்ப்பக் கிரகத்துக்குள் விடுவதில்லையே ஏன்?

4) கருப்பசாமி கோயில் பூசாரியையும் காளிகோயில் பூசாரியையும் பார்ப்பனர்கள் பூஜை செய்யும் கோயில் அர்ச்சகராக நியமிக்க அனுமதிப்பதில்லையே ஏன்?

5) கருப்பசாமி கோயில் பூசாரியையும் காளிகோயில் பூசாரியையும் பார்ப்பனர்கள் பூஜைபோடும் கோயிலுக்கும் பார்ப்பனர்களைக் கருப்பசாமி கோயிலுக்கும் காத்தவராயன் கோயிலுக்கும் இடம் மாறுதல் செய்ய ஒப்புக்கொள்வ தில்லையே ஏன்?

6) பார்ப்பன புரோகிதர்களும் பார்ப்பனரல்லாத பூசாரிகளும் சமம் என்று ஏற்றுக் கொள்ள மறுப்பது ஏன்?

7) பார்ப்பனர்கள் வீடுகளில் இருக்கும் பூஜை அறையில் முருகன் படமோ கருப்பசாமி படமோ காத்தவராயன் படமோ இருப்பதில்லையே ஏன்?

8) பார்ப்பனர்கள் முருகன் கோயிலில் அர்ச்சகராக இருந்தாலும் எந்தப் பார்ப்பனரும் தங்கள் வீட்டுப் பிள்ளைகளுக்கு முருகன் என்றும் வள்ளி என்றும் பெயர் வைப்பதில்லையே ஏன்?

9) எல்லாக் கடவுளும் இந்துக்கடவுள்கள் என்றால் இந்துக்கடவுள்களான கருப்பசாமி, காத்தவராயன், அய்யனார், காளியாத்தா, மாரியாத்தா என்று பார்ப்பனர்கள் பெயர் வைத்துக்கொள்வதில்லையே ஏன்?

10) பார்ப்பனரல்லாத இந்துக்கள் பழனி, திருப்பதி, சீரங்கம், மீனாட்சி கோயிலுக்கெல்லாம் சென்று உண்டியலில் காசுபோடுவதுபோல் பார்ப்பனர்கள் யாரும் இந்துக் கடவுள்களான கருப்பசாமி, காத்தவராயன், அய்யனார், காளியாத்தா, மாரியாத்தா கோயில்களின் உண்டியல்களில் காசு போடுவதில்லையே ஏன்?

11) பெரும்பான்மை இந்துக்களான பிற்படுத்தப்பட்ட தாழ்த்தப்பட்ட மக்கள் சமயபுரம் கோயிலுக்கு பாதயாத்திரை செல்வதுபோல் எந்தப் பார்ப்பனரும் பார்ப்பனப் பெண் டிரும் பாதயாத்திரை செல்வதில்லையே ஏன்?

12) பெரும்பான்மை இந்துக்களான பிற்படுத்தப்பட்ட தாழ்த்தப்பட்ட மக்கள் பழனிக்கு பாதயாத்திரை சென்று அலகு குத்தி காவடி எடுத்து ஆடுவதுபோல் பார்ப்பனர் யாரும் ஆடிவருவதில்லையே ஏன்?

13) பார்ப்பனரல்லாத பூசாரிகள் மீது சாமி வந்து ஆடுவதுபோல் பார்ப்பன அர்ச்சகர்கள் மீது சாமி வந்து ஆடாதது ஏன்?

14) பார்ப்பனரல்லாத பெண்கள்மீது காளியாத்தா மாரியாத்தா வந்து ஆடுவதுபோல் பார்ப்பனப் பெண்கள் மீது மாரியாத்தா வந்து ஆடுவதில்லையே ஏன்?

15) பார்ப்பனர்களும் தமிழர்கள் என்றால் தமிழர்கள் கொண்டாடும் தைத்திருநாளாம் பொங்கல் விழாவைக் கொண்டாடுவதில்லையே ஏன்?

16) பார்ப்பனர்களும் தமிழர்களும் இந்துக்கள் என்றால் பார்ப்பனர் மட்டும் பூணூல் அணிவது ஏன்?

17) பார்ப்பனரல்லாத இந்துக்கள் வேட்டி அணியும்போது பார்ப்பனர் மட்டும் பஞ்சக்கச்சம் அணிவது ஏன்?

18) பார்ப்பனரல்லாத இந்துப் பெண்கள் புடவை அணியும்போது பார்ப்பனப் பெண்கள் மட்டும் மடிசார் கட்டுவது ஏன்?

19) எல்லோரும் இந்துக்கள் என்றால் பார்ப்பனரல்லாத பிற்படுத்தப்பட்ட தாழ்த்தப்பட்ட இந்துக்கள் வீடுகளில் உணவோ தண்ணீரோ பார்ப்பனர்கள் அருந்துவதில்லையே ஏன்?

20) எல்லோரும் இந்துக்கள் என்றால் பார்ப்பனரல்லாத பிற்படுத்தப்பட்ட தாழ்த்தப்பட்ட இந்துக்களை இன்னமும் பார்ப்பனர்கள் தங்கள் வீடுகளுக்குள் அனுமதிப்பதில்லையே ஏன்?

21) இந்துக்களான தமிழர்கள் பேசும் பேச்சுக்களுக்கு மாறாக அவா – இவா – வந்துண்டு – போயிண்டு – அபிஷ்டு என்று அக்கிரகார பாஷை பேசுவது ஏன்?

22) பார்ப்பனர்களும் தமிழர்கள் என்றால் பகவத் கீதையையோ? பாகவதத்தையோ? பாரதத்தையோ? இராமாயணத்தையோ? தங்கள் குழந்தைகளுக்கு சொல்லித் தருவது போல் திருக்குறளையோ, சிலப்பதிகாரத்தையோ, தமிழ் இலக்கியங்களையோ சொல்லித் தருவதில்லையே ஏன்?

23) பார்ப்பனர்களும் தமிழர்கள் என்றால் தங்கள் பிள்ளைகளுக்கு சமஸ்கிருதம் சொல்லித் தருவதுபோல் தமிழை சொல்லித் தருவதில்லையே ஏன்?

24) தமிழர்களை இந்துக்கள் என்று சொல்லி அவர்கள் இல்லத்து திருமணங்களை நடத்தி வைக்கும் பார்ப்பன புரோகிதர்கள் – அந்த திருமண வீடுகளில் சாப்பிடாமல் தட்சணையையும் அரிசி பருப்பையும் காய்கறிகளையும் மட்டும் வாங்கிச் செல்வது ஏன்?

25) பார்ப்பனரல்லாத இந்துக்கள் சங்கராச்சாரி போன்ற வர்களது காலில் விழுந்து வணங்குவதுபோல் பார்ப்பனர்கள் யாரும் கிருபானந்தவாரியார், குன்றக்குடி அடிகளார், ஆதி னங்கள், குருமகாசந்நிதானங்களின் கால்களில் விழுந்து வணங்குவதில்லையே ஏன்?

இப்பொழுது சொல்லுங்கள் உண்மையான இந்து விரோதி யார்?

– இணையத்திலிருந்து

உங்களுக்குத் தெரியுமா?

முஸ்லிம்கள், கிறிஸ்தவர்கள், கம்யூனிஸ்டுகளுக்கு எதிரிகளாக மட்டும் ஆர்.எஸ்.எஸ். வளர்க்கப்படவில்லை.ஒரு முழுமையான பார்ப்பன இயக்கமாகவே வளர்ந்தது.அதன் சர் சங் சாலக்குகள் (தலைவர்கள்) அனைவரும் பார்ப்பனர்களே!      

   (ராஜேந்திர சிங் என்ற ஒரே ஒரு பிற்படுத்தப்பட்டவர் 1994-2000 வரை “ராஜி பையா” என்றழைக்கப்பட்ட இவர் சர் சங் சாலக்காக இருந்தார்.)அதிலும் பெரும்பாலோர்    (இன்றுள்ள மோகன் பாகவத் உட்பட) “சித் பவன்” பார்ப்பனர்களே! மராட்டியத்தை ஆண்ட பேஷ்வாக் களின் வழிவந்ததாகக் கூறிக்கொள்ளும் இக்கூட்டம், ஆங்கிலேயர்களிடமிருந்து சுதந்திரம் கிடைத்தால் இந்த நாட்டையே பார்ப்பனராட்சியாக்கி அனைத்து மக்களை யும் அடக்கி ஆள சூழ்ச்சி செய்தது.

மனுதர்மப்படி ஒரு குலத்திற்கு ஒரு நீதி சொல்லும் ஆட்சியாக விளங்கி பார்ப்பனர் மேலாண்மையை நிலைநாட்டத் துடித்தது.அதனால் பகவத் கீதையில் கிருஷ்ண பராமாத்மா குறிப்பிட்ட “சாதுர் வர்ணம் மயா சிருஷ்டம்” (நான்கு வர்ணத்தையும் நானே படைத்தேன்)என்ற வர்ண அமைப்பை காப்பாற்ற ஆர்.எஸ்.எஸ். மறைமுகமாக முயன்றது.பார்ப்பனர்கள் சிறுபான்மையி னர் என்ப தால் இந்த வர்ண பேதத்தை முன்னிலைப் படுத்தினால் வெற்றி பெற முடியாது என்பதால் “இந்துக் கள்” என்ற வேடம் தரித்து இந்த “பசுத்தோல் புலிகள்” நாட்டை நாசமாக்கி வருகின்றன என்பது உங்களுக்குத் தெரியுமா?

வடகலை-தென்கலை சண்டை

பதிலடிப் பக்கம் : வடகலை-தென்கலை சண்டை

Last updated: 2024/01/19 at 3:46 PM

Published January 19, 2024

(இந்தப் பக்கத்தில் மறுப்புகளும், ஆர்.எஸ்.எஸ்.,
சங் பரிவார், பிஜேபி வகையறாக்களுக்குப்
பதிலடிகளும் வழங்கப்படும்)
மின்சாரம்

காஞ்சிபுரத்தில் உள்ள வரதராஜப் பெருமாள் கோவிலில், காலையிலும் மாலையிலும் யார் பிரபந்தங்களைப் பாடுவது என்பதில் அந்தக் கோவி லோடு தொடர்புடைய வடகலை அய்யங்கார்களுக்கும் தென்கலை அய்யங்கார்களுக்கும் இடையிலான மோதல் நூற்றாண்டு கால வரலாற்றைக் கொண்டது.
எல்லா வைணவக் கோவில்களிலும் காலையிலும் மாலையிலும் பிரபந்த சேவை என்பது உண்டு. நாலாயிரத் திவ்ய பிரபந்தப் பாடல்களை, இறைவனுக்கு முன்பாக வைணவர்கள் பாடுவதே இந்த பிரபந்த சேவை. இந்த பிரபந்த சேவையில் ஈடுபடுவோர் அத்ய பாகர்கள் எனப்படுவார்கள். இவர்களுக்கு இதற்கு பிரதிபலனாக பிரசாதமும் வழங்கப்படும்.

இந்தப் பிரபந்தங்களைப் பாடுவதற்கென முறைகள் உண்டு. பிரபந்தக் கோஷ்டியில் மூத்தவராக இருப்பவர், “ஆரம்பிக்கலாம்” என்ற சொன்னதும் பிரபந்த சேவை துவங்கும். முதலில், அவர்கள் சார்ந்த பிரிவின் ஆச்சாரியாரைப் போற்றிப்பாடிவிட்டு, பிரபந்தங்களைப் பாடுவார்கள். தென்கலை வைணவர்களைப் பொறுத்த வரை, பிரபந்தங்களைத் துவங்குவதற்கு முன்பாக, மணவாள மாமுனிகளை போற்றும் “சிறீ சைலேஷ தயாபாத்திரம்” என்ற மந்திரத்தைச் சொல்லி துவங்கு வார்கள். வடகலை வைணவர்களைப் பொறுத்தவரை, “சிறீ ராமானுஜ தயாபாத்திரம்” என்ற மந்திரத்தைச் சொல்லித் துவங்குவார்கள்.
இதற்குப் பிறகு இரு தரப்புமே பொதுவான பிர பந்தங்களைப் பாடுவார்கள். இதனை முடிக்கும்போது, தென்கலையார் “மணவாள மாமுனிகளே இன்னும் ஒரு நூற்றாண்டிரும்” என்ற வாழித் திருநாமத்தைச் சொல்லி முடிப்பார்கள். அதேபோல வடகலையார் தங்களுக் கென ஒரு வாழித் திருநாமப்பாடலை வைத்துள்ளனர்.

வடகலை, தென்கலை சர்ச்சை
வரதராஜப் பெருமாள் கோவிலைப் பொறுத்தவரை, இந்த பிரபந்தம் பாடுவதில் தொடர்ச்சியாக தென்கலை வடகலை இருவருமே மோதிக்கொண்டு வருகின்றனர்.
இந்த மோதல்கள் பல சமயங்களில் மிக மோசமான கட்டத்தையும் எட்டியிருக்கின்றன. இந்த மோதலின் போது கோவிலுக்குள்ளேயே, கெட்ட வார்த்தைகளால் திட்டிக்கொண்ட நிகழ்வுகள் அதிகம் உள்ளன.
காஞ்சிபுரம் வரதராஜப் பெருமாள் கோவில், வட கலை வைணவ சம்பிரதாயத்தின்படி நிர்வகிக்கப்படும் ஒரு கோவில். ஆனால், இந்தக் கோவில் துவக்கத்தில் தாத்தாச்சாரியார் என்ற குடும்பத்தின் வசம் இருந்தது. இந்த தாத்தாச்சாரியார் என்போர் வடகலை வைணவப் பிரிவைச் சேர்ந்தவர்கள். இங்கிருக்கும் அர்ச்சகர்கள் அனைவரும் வடகலைப் பிரிவைச் சேர்ந்தவர்கள்.

இப்படியிருக்கும்போது, இந்தக் கோவிலில் இறைவனின் திருவுருவுக்கு முன்பாக பாடும் உரிமை தென்கலை வைணவர்களுக்கு எப்படிக் கிடைத்தது? இதற்கு ஒரு வரலாற்றுப் பின்னணியைச் சொல்கிறார்கள் வைணவர்கள். முகலாயப் படையெடுப்பின்போது, வரதராஜப் பெருமாள் கோவிலில் இருந்த சிலை, உடையார்பாளையத்திற்கு எடுத்துச்செல்லப்பட்டு, அங்கிருந்த பாளையக்காரரின் வசம் இருந்தது.
இந்தத் திருமேனிகளைத் தேடிவந்த தாத்தாச்சாரியார் கள், அவை அங்கிருப்பதை கண்டனர். ஆனால், அந்தப் பாளையக்காரர் அதனைத் தர மறுத்துவிட்டார். அப்போது அந்த ஊரில் இருந்த ஆத்தாஞ்ஜீயர் என்பவர், அய்தராபாத்தில் உள்ள நவாபிடம் கூறி கூலிப்படைகளை அனுப்பி சிலைகளைப் பெற்றுக் கொடுத்தார். அதற்குப் பிரதிபலனாக, தினமும் இறை வனின் திருவுருவுக்கு முன்பாக பிரபந்தங்களைப் பாடும் உரிமை ஆத்தாஞ்ஜீயரின் வம்சத்திற்கு அளிக் கப்பட்டது. பிறகு, அந்த உரிமை, ஆத்தாஞ்ஜீயரின் வம்சத்தினர் மட்டுமல்லாது பல தென்கலையாருக்கு கொடுக்கப்பட்டதாக சொல்லப்படுகிறது.

வடகலை – தென்கலை வேறுபாடு என்ன?
வைணவப் பண்பாட்டில் நாதமுனிகளுடன் துவங்கும் ஆச்சார்ய பரம்பரையில் ஆளவந்தாருக்கு அடுத்து வந்தவர் ராமாநுஜர். தற்கால வைணவ நடை முறைகளை உருவாக்கி, அவற்றுக்குக் கருத்துகளின் அடிப்படையில் உயிர் கொடுத்தவராக, ராமானுஜரை வைணவர்கள் கருதுகின்றனர்.
ராமாநுஜரின் காலத்திற்குப் பிறகே வைணவத்தில் வடகலை – தென்கலை என இரு பிரிவுகள் ஏற்பட்டன. காஞ்சிபுரத்தை மய்யமாகக் கொண்ட ஆச்சார்யார் களைப் பின்பற்றுபவர்கள் வடகலை என்றும் திருவரங் கத்தை மய்யமாகக் கொண்ட ஆச்சார்யார்களைப் பின்பற்றுவோர் தென்கலை என்றும் பொதுவாகக் குறிக்கப்படுகின்றனர்.
தென்பகுதியில் உள்ள திருநெல்வேலியில், ஆழ் வார் திருநகரியில் 1370இல் பிறந்த மணவாள மாமுனி களைப் பின்பற்றும் வைணவர்கள் தென்கலையார் என்றும் அதற்கு ஒரு நூற்றாண்டுக்கு முன்பாக, 1268இல் காஞ்சிபுரத்தில் தூப்புல்லில் பிறந்த வேதாந்த தேசிகரை பின்பற்றும் வைணவர்கள் வடகலையார் என்றும் அழைக்கப்படுகிறார்கள் என்ற கருத்தும் உண்டு. திருவரங்கத்திற்கு வடக்கே காஞ்சிபுரமும் தெற்கே ஆழ்வார் திருநகரியும் உள்ளதால், நிலவியல் சார்ந்து இந்தப் பெயர்கள் அளிக்கப்பட்டன.

வைணவர்கள் நெற்றியில் இட்டுக்கொள்ளும் நாமம், பெருமாளின் பாதங்களைக் குறிக்கிறது. அதனை வெறுமனே நெற்றியில் வரையக்கூடாது எனக் கருதி, ஒரு சிறிய தாமரை மலரை நாமத்திற்குக் கீழ் வரைந்தனர் தென்கலையினர். இது நாமத்தோடு இணைந்து சீ வடிவிலானது. ஆனால், வடகலையினர் இதனை ஏற்க வில்லை. அவர்கள் வெறுமனே ஹி வடிவில் நாமத்தை இட்டுக் கொள்வதையே தொடர்கின்றனர்.
தற்போது காஞ்சிபுரம் வரதராஜப் பெருமாள் கோவி லில் நடக்கும் பிரச்சினை என்பது மேல் குறிப்பிடப்பட் டதைப் போன்ற தத்துவார்த்தப் பிரச்சினை அல்ல. தென்கலை வைணவர்களுக்கும் வடகலை வைணவர் களுக்கும் இடையில் நடக்கும் உரிமை சார்ந்த பிரச்சினை.
காஞ்சிபுரம் தேவராஜ சுவாமி கோவிலில், அற நிலையத்துறை ஆணையரின் அனுமதியின்றி வட கலை, தென்கலை தொடர்பாக எதையும் சேர்க்கக் கூடாது, என்ற அரசின் உத்தரவு உள்ளது. இதை மீறி கோவிலின் கருவறையில் வெள்ளிக் கதவு பொருத்தப் பட்டுள்ள, சங்கு சக்கரம் சின்னங்களுடன் உள்ள கதவில், வெள்ளியிலான வடகலை நாமம் திடீரென பொறிக்கப்பட்டுள்ளது. இதற்கு, சின்ன காஞ்சிபுரத்தில் உள்ள யதீந்த்ர ப்ரவண சபை எதிர்ப்பு தெரிவித்துள்ளது.

செப்டம்பர் 2010இல், திருமலையிலும் இதே போன்ற பிரச்சினை கிளம்பியது: திருப்பதி வெங்கடேச பெரு மாள் கோவிலில் பணிபுரியும் அர்ச்சகர்கள் மத்தியில் எழுந்துள்ள வடகலை, தென்கலை திருநாமம் பிரச் சினை குறித்து ஆந்திர மாநில ஆளுநர் கவனத்திற்கு புகார் அனுப்பியுள்ளதாக அகோபில மடம் செயலர் தெரிவித்தார். ஒவ்வொரு ஆண்டும் திருமலையில் நடக்கும் ஆண்டு பிரம்மோற்சவ விழாவின் வாகன சேவையின்போது கோவிலில் பணிபுரியும் அர்ச்சகர் களிடையே திருநாமம் முக்கியத்துவம் குறித்து வடகலை, தென்கலை நாமப் பிரச்சினை தொடர்ந்து பல ஆண்டுகளாக, “நீறுபூத்த நெருப்பு போல்’ இருந்து வருகிறது.
திருமலையில் ரத உற்சவத்தின்போது திருநாமத் துடன் கூடிய பெரிய துணியால் தயாரிக்கப்பட்ட ஆங்கில “ஏ’ எழுத்து போன்ற கூடாரம் வாகன சேவைக்கு முன்னும் பின்னும் அணிவகுத்து செல்வது வழக்கமாக நடந்து வருகிறது. இதில் வடகலை நாமம் வெளியில் தெரியாமல் துணியை மூடிவிட்டனர். தென்கலை நாமம் பிரிவைச் சேர்ந்த அர்ச்சகர்கள் வேண்டுமென்றே இதுபோன்ற செயல்களில் ஈடுபடு கின்றனர் என வடகலை பிரிவைச் சேர்ந்த அர்ச்சகர்கள் பகிரங்கமாக குற்றம் சாட்டினர்.

பிரம்மோற்சவ வாகன சேவையின்போது தொடர்ந்து, “வடகலை’ நாமத்திற்கு அவமானம் நடந்து வருவதாக இப்பிரிவைச் சேர்ந்த அர்ச்சகர்கள், ஆளுநரின் கவனத்திற்குக் கொண்டு செல்ல வேண்டு மென கூறியதன் பேரில் வடகலை, தென்கலை திரு நாமப் பிரச்சினைக்கு நிரந்தர தீர்வு காணக்கோரி, அகோபில மடம் செயலர் ஆளுநருக்குப் புகார் அனுப்பி வைத்தார்.
இப்பிரச்சினைக்கு ஆளுநர் சரியான தீர்வு காண வேண்டுமென அர்ச்சகர்கள் எதிர்பார்க்கின்றனர். மேலும், உற்சவத்தின்போது ரதத்தின் மீதுள்ள மரத்தி லான மரப்படிவம் உடைந்து விழுந்தது. இதனால் மேல் பகுதியில் தங்கக் தகடுக்கு கீழ் பாகத்தில் இருந்த துணி காற்றுக்கு விலகி விட்டது. இந்த சம்பவமும் அர்ச்ச கர்கள், பக்தர்கள் மத்தியில் உற்சவத்தின்போது பரபரப் பாக பேசப்பட்டது
சிறீரங்கத்தில் ரங்கநாதர் கோவில் மகா கும்பாபி ஷேகம் நடந்து முடிந்த பின் ராஜகோபுரத்தில் தென் கலை நாமம் போடப்பட்டுள்ளது புதிய பிரச்சினையை கிளப்பியுள்ளது சிறீரங்கம் ரங்கநாதர் கோவிலுக்கு கும்பாபிஷேகம் நடைபெற்றது. அதன் பின் உலகி லேயே உயரந்த 237 அடி உயரமுள்ள ராஜகோபுரத்தில் தென்கலை நாமம் போடப்பட்டது. இது வடகலை குழுவினரை புண்படுத்துவதாக சிறீரங்கம் அகோபில மடத்தின் 45ஆவது பீடாதிபதியான ஜீயர் கூறியுள்ளார்.

இது குறித்து ஜீயர் செய்தியாளர்களிடம் கூறுகையில், ராஜகோபுரம் எனக்கு முன்பு இருந்த ஜீயர் சுவாமிகளால் கட்டப்பட்டது. அவர் வடகலை நாமம் போடுபவராக இருந்தாலும் அவர் எந்த விதமான பிரச்சினையும் வரக்கூடாது என்பதற்காக எந்தவிதமான நாமமும் போடாமல் விட்டுவிட்டார். ஆனால் கோவில் அதிகாரிகள் கும்பாபிஷேக புனரமைப்புப் பணி எனக் கூறி கும்பாபிஷேகம் முடிந்தவுடன் ராஜகோபுரத்தின் ஆறாவது வாயிலில் தென்கலை நாமத்தை வைத்து அதற்கு நியான் விளக்கும் போட்டுள்ளார்கள். இது வடகலை நாமம் போடுபவர்களைப் புண்படுத்தும் செயலாகும். இதே போல் கோவிலின் தேசிகர் சுவாமி சன்னிதியிலும் தென்கலை நாமம் போடப்பட்டுள்ளது. இந்த கோவில் வடகலை நாமம் போடுபவரால் பராமரிக்கப்பட்டு வருகிறது. ஆனால், இங்கு தென்கலை நாமம் போடப்படடுள்ளது.

யானைக்கு எந்த நாமம் போடுவது?
சிறீரங்கத்திலே ஒரு யானை இருந்தது. 1918-1919இல் ஒரு வழக்கு. யானைக்கு வடகலை நாமம் போடுவதா அல்லது தென்கலை நாமம் போடுவதா என்ற பிரச்சினை வைணவர்களுக்குள் ஏற்பட்டது. அப் பொழுது நீதி மன்றங்களை கடந்து, லண்டன் பிரிவு கவுன்சில் வரைக்கும் வழக்குப் போனது. கவுன்சிலிலே விசாரித்து ஒரு உத்தரவு போட்டார்கள். யானைக்கு ஒரு மாதம் வடகலை நாமம், ஒரு மாதம் தென்கலை நாமம் போடலாம் என்று சமரச தீர்ப்பு கொடுக்கப்பட்டது. அதன்படியே சிறீரங்கத்திலிருக்கிற வடகலை நாமக் காரர்கள் கெட்டிமேளத்தோடு வந்து ஒரு மாதம் யானைக்கு வடகலை நாமம் போட்டார்கள், பிறகு தென்கலை நாமக்காரர்கள் ஒரு மாதம் யானைக்குத் தென்கலை நாமம் போட்டார்கள். மூன்று மாதங்கள் நடந்த இந்த அல்லோலகல்லோலத்தில் யானை சங் கிலியை அறுத்துக் கொண்டு ஓடிவிட்டதாம். மறுநாள் பத்திரிகைகைகளில் சிறீரங்கத்து யானைக்கு மதம் பிடித்து சங்கிலியை அறுத்துக் கொண்டு ஓடிவிட்டது என்று செய்தி வந்தது. ஆனால், அதற்கு அடுத்த நாள் அதே பத்திரிகைகளில் வேறு செய்தி கூறியதாவது, சிறீரங்கத்து யானைக்கு மதம் பிடிக்கவில்லை, அப்படி தவறுதலாகப் பிரசுரிக் கப்பட்டது, உண்மையில் யானைக்கு மதம் பிடிக்காமல் தான் சங்கிலியை அறுத் துக் கொண்டு ஓடியது, என்று விளக்கம் கொடுக்கப்பட்டதாம்.
வைஷ்ணவ கோயில்களில் யாருடைய மந்திரத் தைச் சொல்வது என்பதில் பலகாலப் பிரச்சினை இருந்து வந்தது. லண்டனில் உள்ள பிரிவி கவுன்சில் நீதிமன்றம் ஒரு தீர்ப்பைக் கொடுத்தது – சுவையானது.

பிரிவி கவுன்சில் வழக்கு
His Holiness பெரிய கோயில் கேள்வியப்பன் திருவேங்கட ராமானுஜ பெரிய ஜீயங்காருலு வாரு -அப்பீல் செய்தவர்.
-எதிர் பார்ட்டி-
பிரதிவாதி வெங்கடசாருலு மற்றும் பலர். எதிர்பார்ட்டிகள்.
இந்து மதக் கோட்பாட்டின்படி, இறைவன் மூன்று நிலைகளில் இருக்கிறான்.
பிரம்மா, உருவாக்குபவர்;
விஷ்ணு, காப்பவர்;
சிவன், அழித்துச் சரி செய்பவர்.
The Deity manifests himself in three aspects as
Brahma – the Creator, Vishnu – the Preserver and
Siva- the Destroyer and Renovator.
இதில் விஷ்ணுவை வழிபாடு செய்து வருபவர்கள் வைஷ்ணவர்கள். தென்னிந்தியாவில் விஷ்ணுவுக்குப் பல கோயில்கள் உள்ளன. 2500 ஆண்டுகளுக்கு முன் பிருந்தே சமஸ்கிருத வேதங்களும், மந்திரங்களும் விஷ்ணு வழிபாட்டுக்காக இருந்து வருகின்றனவாம். இதுபோலவே தென்னிந்தியாவில் 4000 பிரபந்தங்கள் தமிழில் உள்ளன. இவைகளை விஷ்ணு பக்தர்களான ஆழ்வார்கள் பாடிச் சென்றுள்ளனர் என்கின்றனர்.
விஷ்ணு வழிபாட்டு முறைகளை வகுத்துச் சென்ற ஆச்சாரியர்கள் முக்கியமானவர்கள்.

லண்டன் பிரிவி கவுன்சில் வரை!
1887-1893இல் திருச்சானூர் கோயிலில் இதுபோல் ஒரு வழக்கு வந்தது. அதில் திருச்சானூர் கோயிலில் முழுக்க முழுக்க தென்கலை மந்திரமே சொல்லப்பட்டு வருகிறது என்றும், திருச்சானூர் பழக்கமே, திருமலை யிலும் திருப்பதியிலும் பின்பற்றப்படுகிறது என்றும் தீர்ப்பு உள்ளது.
மற்றொரு வழக்கில் (Krishnasami v.Krishnama, 1882 ILR 5 Mad 313) காஞ்சிபுரத்திலுள்ள பெரிய கோயிலில் தென்கலை முறையே உண்டு. வடகலை முறையை தடைசெய்ய இந்த வழக்கு வந்தது. அதில் முழுக்க முழுக்க தென்கலை முறையே சரி என்று தீர்ப்பு.
மற்றொரு வழக்கில் (Srinivasa Thathachariar v. Srinivasa Aiyangar, 1899, 9 Mad LI 355) இதில் திருநெல்வேலி கோயிலில் தென்கலை மந்திரமே சொல்ல வேண்டும் என்றும் வடகலை மந்திரத்தை சொல்ல உரிமையில்லை என்றும், வாழி மந்திரம் சொல்லும்போது, வடகலை ஆச்சாரியர்கள் அதை அவர்கள் வேண்டுமென்றே சேர்ந்து உச்சரிக்கக் கூடாது என்றும் உயர்நீதிமன்ற தீர்ப்பு உள்ளது.
இவ்வாறு பல தீர்ப்புகளை ஆராய்ந்து, பிரிவு கவுன்சில் முடிவாக: தென்கலை முறையே சரி; ‘சாதித் அருளா’ சொன்னவுடன் தென்கலை மந்திரங்களே தொடங்க வேண்டும். வடகலை மந்திரங்களை திருப்ப தியில் ‘தர்மபுரி, கோடிகன்னிகாதானம், தோமாலை’ (Dharmapuris, Kotikannikadanams and Thomalais) இவைகளில் தவிர வேறு எங்கும் சொல்லக் கூடாது. வாழி திருநாமம் எப்போது சொன்னாலும், தென்கலை மந்திரத்துடனேயே சொல்ல வேண்டும்.

திருமலை சேர்ந்த திருப்பதி, திருச்சானூர் வாழும் தென்கலை பண்டிதர்கள் எப்போதும் தென்கலை மந்திரம் சொல்ல உரிமையுண்டு. அதில் வடகலை மந்திரம் சொல்லி குழப்பக் கூடாது.
பெரிய ஜீயங்கர் தலைமையில் இவை நடக்க வேண்டும்.
பிரச்சினை – ஹிந்து மதத்தின் காத்தல் கடவுள் என்று சொல்லப்படும் விஷ்ணுவைப் பொறுத்தது – அவர் சம்பந்தப்பட்ட பிரச்சினையையே அவர்களால் தீர்த்துக்கொள்ள முடியவில்லை. அவர்கள் சரண டையும் நம்பும் ஆண்டவனாலும் கையாலாகவில்லை. வெள்ளைக்கார கிறித்தவ நீதிபதிகள் லண்டன் பிரிவி கவுன்சில்தான் தீர்க்க வேண்டியிருந்தது. வெட்கப்பட வேண்டாமா?
இந்த இலட்சணத்தில் கடவுள் பக்தி குறைந்ததால் தான் நாட்டில் ஒழுக்கம் கெட்டுப் போய்விட்டது; அமைதி சீர்குலைந்தது என்று சொல்லுவதற்கு மட்டும் குறைச்சல் இல்லை; ஏழு நூற்றாண்டுகளாக இந்தச் சண்டை அடங்கவில்லை.
ஹிந்து ராஜ்ஜியத்தை உண்டாக்கப் போவதாகக் கூறும் காவிக் கூட்டம் இதற்கெல்லாம் என்ன பதில் சொல்லப் போகிறதாம்?

கண்டு முட்டு! கேட்டு முட்டு!
வடகலை பக்தன் தென்கலைப் பக்தனைப் பார்த்து விட்டால் சுவரில் போய் முட்டிக் கொள்வான். அதற்குப் பெயர் ‘பார்த்து முட்டு’.
ஒரு கலைகாரன் இன்னொரு கலைகாரனைப் பற்றிக் காதில் கேட்டுவிட்டாலும் சுவரில் போய் முட்டிக் கொள்வானாம். இதற்குப் பெயர் ‘கேட்டு முட்டு’. எப்படி இருக்கிறது?
வைணவப் பக்தரான ராஜாஜி முதல் அமைச்சராக இருந்த நிலையிலேயே சரியாக ‘அழகாக’ ஒன்றை சொன்னார்.
“நம் நாட்டில் மற்றவர்கள் சண்டைகளைக் காட்டி லும், பக்தர்களின் சண்டையே அதிகம். ‘என் தெய்வம் பெரிதா? உன் தெய்வம் பெரிதா? என்ற சண்டைகள்தான் அதிகம்’’ என்றாரே!
(சென்னைத் தமிழிசைச் சங்கக் கட்டடத் திறப்பு விழாவில் – 15.4.1953)
ஹிந்து ராஜ்ஜியத்தை அமைக்கப் போவதாகக் கூறு வோர் – இந்தப் பிரிவுகளில் எதை முன்னிலைப்படுத்தி அமைக்கப் போகிறார்களாம்?

இந்து சமய அறநிலையத்துறை உருவாக்கப்பட்டது ஏன்? எதற்கு?

 Viduthalai  November 27, 2023  தலையங்கம்,

தெலங்கானா மாநிலத்தில் தேர்தல் பிரச்சாரக் கூட்டத்தில் இந்திய ஒன்றிய பி.ஜே.பி. அரசின் பிரதமர் நரேந்திர மோடி பேசுகையில் தென்னிந்தியாவில் குறிப்பாக தமிழ்நாட்டில் மாநில அரசு இந்து மத நிறுவனங்களை ஆக்கிரமித்து, அவற்றின் வருவாயை மாநில செலவி னங்களுக்காகப் பயன்படுத்துகிறார்கள் என்று பிரச்சாரம் செய்திருக்கிறார்.

தமிழ்நாட்டின் திராவிட மாடல் அரசைப்பற்றி போகிற இடங்களில் எல்லாம் புழுதி வாரித் தூற்றிக் கொண்டு இருக்கிறார். காரணம் இண்டியா கூட்டணிக்கு தி.மு.க. முதுகெலும்பாக இருப்பது தான்.

அதேபோல ஒன்றிய நிதி அமைச்சர் திருமதி நிர்மலா சீதராமனும் தமிழ்நாட்டில் இந்துக் கோயில்கள் தி.மு.க. அரசால் கொள்ளை அடிக்கப்படுகின்றன என்று பேசிச் சென்றுள்ளார்.

சமூகநீதிக்கான சரித்திர நாயகராம் நமது மானமிகு மாண்புமிகு முதலமைச்சர் மு.க. ஸ்டாலின் அவர்கள் தக்க வகையில் பதில் கூறி யுள்ளார்.

ரூ.5,500 கோடி கோயில் சொத்துக்களை மீட்டெடுத்தது திமுக அரசு; இத்தகைய அரசைப்பற்றித்தான் பக்தியின் பெயரால் பகல் வேஷம் போடுகிறவர்கள் குறை கூறுகிறார்கள் என்று ஆதாரத்தோடு தக்க பதிலடி கொடுத்திருக்கிறார் நமது முதலமைச்சர்.

தமிழ்நாடு அரசின் இந்து அறநிலையத்துறை அமைச்சர் மாண்புமிகு பி.கே. சேகர்பாபு அவர்களும் புள்ளி விவரங்களோடு  - புழுதிவாரித் தூற்றுபவர்களுக்குத் தக்க வகையில் பதிலடி கொடுத்து, 'வாய்புளித்ததோ மாங்காய் புளித்ததோ' என்று பேச வேண்டாம் என்று எச்சரித்துள்ளார்.

தமிழ் மன்னர்களால் கட்டப்பட்ட கோயில்களில் இடையில் பார்ப்பனர்கள் அர்ச்சகர்களாக உள்ளே புகுந்து கோயில்களைத் தங்கள் உடைமையாக்கிக் கொண்டு கோயில் சொத்துகளைக் கொள்ளை அடித்தனர்.

அரசாங்கத்தின் கட்டுப்பாட்டுக்கு இந்துக் கோயில்கள் கொண்டு வரப்பட்டதற்கு காரணமே  - கோயில் சொத்துக்கள் பார்ப்பனர்களால் கொள்ளை அடிக்கப்பட்டதுதான்.

பிரிட்டிஷ் ஆட்சியின் போது கோவில் நிதிகளின்மீது கட்டுப்பாடுகளைக் கொண்டு வர 1817ஆம் ஆண்டு சட்டம் க்ஷிமிமிஆவது பிரிவு, கோவில்களை நிர்வகிக்கும் அதிகாரத்தை ரெவ்ன்யூ போர்டுக்குள் கொண்டு வந்தது.

19ஆம் நூற்றாண்டின் மத்தியில் இந்திய மதங்களில் தலையிடுவ தில்லை என்னும் பொதுக் கொள்கையை வகுத்துக் கொண்டு கோவில்களை நிர்வகிக்கும் அதிகாரத்திலிருந்து பிரிட்டிஷ் ஆட்சி தன்னை விடுவித்துக் கொண்டது.

இததான் சந்தர்ப்பம் என்று கோயில்களில் பார்ப்பனர் கொள்ளை என்பது - கேள்வி கேட்பாரின்றி தலைவிரித்தாடியது.

இத்தகைய சூழலில் தான் நீதிக்கட்சி ஆட்சியில் இந்து அற நிலையத்துறை என்ற அரசு அமைப்பு உருவாக்கப்பட்டது.

நீதிக்கட்சியை உருவாக்கிய மூவேந்தர்களுள் மூலவரான டாக்டர் சி. நடேசனார் சட்டப் பேரவையில் பேசும்போது குறிப்பிட்டார்.

"கோயில் நிதிகளை ஒரு குறிப்பிட்ட வகுப்பினர் நிர்வகிக்கிறார்கள் இதனால் அவ்வகுப்பாருள் இருக்கின்ற வேலை யில்லாதவர்கள் பயன் அடைகிறார்கள். அதே வகுப்பைச் சேர்ந்த வழக்குரைஞர்களும், மிகப் பெரும் அளவில் பயன் பெறுகிறார்கள். பேச்சு வழக்கில் இல்லாத இறந்த மொழியான சமஸ்கிருதத்தைக் கற்பிக்க பாடசாலைகளை நடத்துகிறார்கள் - ஆனால் எல்லா சமயங்களாலும் போற்றப் பெறுகிற மொழியான தமிழைப் புறக்கணிக்கிறார்கள்" என்று அப்பட்டமான உண்மை களை சட்டப் பேரவையில் அழுத்தம் திருத்தமாகப் பதிவு செய்தார்.

'இந்து' ஏடு இதனை எதிர்த்து எழுதியதுண்டு.

இந்து சமய அறநிலையத்துறை மசோதா நீதிக்கட்சி அமைச் சரவையினால் பானகல் அரசர் சென்னை மாநிலப் பிரதமராக இருந்தபோது (Premier) 1923ஆம் ஆண்டு ஏப்ரலில் நிறைவேற்றப்பட்டது.

பார்ப்பனர்களும், மடாதிபதிகளும் கடுமையாக எதிர்த்தனர். இதனால் வைசிராய் ஒப்புதல் தரக் கால தாமதம் ஆனது.

1923ஆம் ஆண்டு நீதிக்கட்சி வெற்றி பெறவே இந்த மசோதா 1924ஆம் ஆண்டில் இரண்டாவது முறையாக நிறைவேற்றப்பட்டது. வைசியராயின் ஒப்புதல் பெற்று 1925ஆம் ஆண்டு ஜனவரியில் சட்டமாக்கப்பட்டது.

அப்போது சென்னை மாநிலக் காங்கிரஸ் தலைவராக இருந்த தந்தை பெரியார், நீதிக்கட்சியின் இந்த சட்டத்திற்குத் தம் ஆதரவையும், பாராட்டையும் தெரிவித்தார்.

காங்கிரஸ் ஆட்சிக் காலத்தில் இந்தச் சட்டத்தில் பல திருத்தங்கள் மேற்கொள்ளப்பட்டன.

முழுக்க முழுக்க மலை விழுங்கி மகாதேவர்களாக இருந்த பார்ப்பனர்களின் கையை விட்டு கோயில்கள் சென்றுவிட்ட காரணத்தால், இந்த இந்து அறநிலையத்துறை ஒழிக்கப்பட்டு இந்துக்கள் கையில் ஒப்படைக்கப்பட வேண்டும் என்று கூக்குரல் போடுகின்றனர். பிஜேபியும் - ஆர்.எஸ்.எஸ். வட்டாரமும் நாங்கள் ஆட்சிக்கு வந்தால் முதல் கையெழுத்து இந்து அறநிலையத்துறையை ஒழிப்பதே என்று சூளுரைக்கின்றனர்.

இதுபற்றி இந்து அறநிலையத்துறையில் பல்லாண்டுக் காலம் பணியாற்றி ஓய்வு பெற்ற சிறீரங்கம் கோயில் இணை ஆணையராக இருந்த செயராமன் என்ன கூறுகிறார்? 

"இந்து சமய அறநிலையத்துறை சட்டம் சில திருத்தங்களுடன் உருவாக்கப்பட்டபோது 1959இல் பூஜ்ஜியமாக இருந்து முதலீடு இன்றைக்குத் தமிழ்நாடு முழுவதும் உள்ள கோயில்களில் இருந்து, நிலை முதலீடாக மூன்றாயிரம் கோடி ரூபாய்க்கு மேலாக வைப்புத் தொகை வங்கிகளில் உள்ளது. இதன் மூலம் ஆண்டுக்கு வட்டியாக ரூ.300 கோடி வருமானம் கிடைக்கிறது. ஒரு ரூபாய்க் கூடக் கடன் கிடையாது. அதுபோல கோவில்களுக்குச் சொந்தமான தங்கம், வெள்ளி போன்றவை வங்கிகளில் பல டன்கள் உள்ளன" (புதிய தலைமுறை - 8.8.2018) என்று குறிப்பிட்டுள்ளாரே!

இந்த நிலை மாற வேண்டும்; கோயில் சொத்துக்கள் முழுவதையும்  தங்கள் வயிற்றில் அறுத்துக் கட்ட வேண்டும் என்ற நோக்கத்தில்தான் இந்து அறநிலையத்துறையை ஒழிக்க வேண்டும் என்று கூப்பாடு போடுகிறார்கள் - உஷார்! உஷார்!!

இதில் ஒரு வெட்கக் கேடு என்னவென்றால் கேரளம், கருநாடகம், ஆந்திரா, தெலங்கானா, பீகார், ஒடிசா, புதுச்சேரி மாநிலங்களிலும் இதே இந்து அறநிலையத்துறை செயல்பட்டு வருகிறது.

பா.ஜ.க. ஆளும் மகாராட்டிரம், உ.பி. ம.பி. மற்றும் ராஜஸ்தான் (காங்கிரஸ்) மாநிலங்களிலும் பப்ளிக் டிரஸ்ட் ஆக்ட் என்ற அரசு  நிர்வாகத்தின்கீழ்தான் கோயில்கள் இருக்கின்றன.

குஜராத் சோமநாதர் ஆலயத்தின் அறங்காவலர் குழுத் தலைவராக பிரதமர் மோடி உள்ளார். உறுப்பினர்களாக எல்.கே. அத்வானி, அமித்ஷா இருக்கின்றனர் என்பதை மறந்து விட்டுப் பேசுகிறார்களே எப்படி?

முனிவர்கள் பிறப்பு மூலம்

சிங்கத்திற்கு  சிங்கமகாசூரன் பிறந்தான்

புலிக்கு   வீரீஞ்சிகன் பிறந்தான்

யானைக்கு விநாயகன் பிறந்தான்

குதிரைக்கு அஸ்வத்ராமன் பிறந்தான்

கழுதைக்கு காங்கேயன் பிறந்தான்

கரடிக்கு ஜம்புவந்தன் பிறந்தான்

எருமைக்கு மகிஷன் பிறந்தான்

பசுவுக்கு கவுதமரிஷி பிறந்தான்

ஆட்டுக்கு அசமுகி பிறந்தான்

மானுக்கு ரிஷ்யசீருங்கன் பிறந்தான்

நாய்க்கு சவுநகன் பிறந்தான்

நரிக்கு கேசகம்பலன் பிறந்தான்

பன்றிக்கு நரகாசூரன் பிறந்தான்

குரங்குக்கு சம்புகன் பிறந்தான்

மயிலுக்கு கண்ணுவன் பிறந்தான்

கிளிக்கு சுகர் பிறந்தான்

பட்சிக்கு சகுனி பிறந்தான்

ஆந்தைக்கு களிநாதன் பிறந்தான்

தவளைக்கு மாண்டவ்யன் பிறந்தான்

மீனுக்கு மச்சஹந்தி பிறந்தான்

பாம்புக்கு சோமாஸ்வன் பிறந்தான்

மண்டுகத்துக்கு மண்டோதரி பிறந்தாள்

பர்வதத்திற்கு பார்வதி பிறந்தாள்

மலைக்கு வசுவதத்தன் பிறந்தான்

துரோனியில் துரோணன் பிறந்தான்

கமண்டலத்தில் அகஸ்தியன் பிறந்தான்

ஆற்றில் பீஷ்மன் பிறந்தான்

காற்றுக்கு பீமன் பிறந்தான்

புற்றில் வால்மீகி பிறந்தான்

குட்டையில் ஸ்கந்தன் பிறந்தான்

தாமரையில் பத்மை பிறந்தான்

அண்டத்தில் வாதன் பிறந்தான்

கோபக்கணலில் லட்சுமி பிறந்தாள்

சூரியனுக்கு கர்ணன் பிறந்தான்

சந்திரனுக்கு அரிச்சந்திரன் பிறந்தான்

செவ்வாய் கோளுக்கு தோஷன் பிறந்தான்

புதன் கோளுக்கு புரூரவா பிறந்தான்

வியாழன் கோளுக்கு ஜகன் பிறந்தான்

சுடலை சாம்பலில் புரீசீரவன் பிறந்தான்

சுடலை எலும்பில் சல்லியன் பிறந்தான்

முகத்தில் பிராமணன் பிறந்தான்

தோளில் சத்திரியன் பிறந்தான்

தொடையில் வைசியன் பிறந்தான்

காலில் சூத்திரன் பிறந்தான்

வாயில் வேதவல்லி பிறந்தாள்

மூக்கில் அஸ்வினி பிறந்தாள்

மனதில் மன்மதன் பிறந்தான்

தொப்பிளில் வீரவாகு பிறந்தான்

கொட்டாவியில் செந்தூரன் பிறந்தான்

தும்மலில் தூபன் பிறந்தான்

நிழலில் சுந்தரன் பிறந்தான்

கண்ணீரில் வானரன் பிறந்தான்

உந்திகமலத்தில் பிரம்மன் பிறந்தான்

வலது கால் விரலில் கக்கன் பிறந்தான்

இடது கால் விரலில் தாணி பிறந்தான்

கை பெருவிரலில் விஷ்ணு பிறந்தான்

ரோமத்தில் ரோமாஞ்சன் பிறந்தான்

பேய்க்கு காந்தாரி பிறந்தாள்

கலியுகத்திற்கு சனீஸ்வரன் பிறந்தான்

காசீப முனிவனுக்கு சூரியன் பிறந்தான்

விஷ்ணுவுக்கு ஐயப்பன் பிறந்தான்

நாரதனுக்கு 60 ஆண்டுகள் பிறந்தது

ஊர்வசிக்கு விசுவாமித்திரன் பிறந்தான்

மேனகைக்கு சாகுந்தலை பிறந்தாள்

வண்ணாத்திக்கு நாரதன் பிறந்தான்

புலைச்சிக்கு சாங்கியன் பிறந்தான்

பார்பனத்திக்கு கிருஷ்ணன் பிறந்தான்

 - பழ.பிரபு முகநூல் பதிவு,17.11.2013

அர்ச்சகர் பிரச்சினை - பல்வேறு தகவல்கள் (பெண்களுக்கு அர்ச்சகர் பயிற்சி... )

 Viduthalai  October 06, 2023  பதிலடிப் பக்கம்,

 (இந்தப் பக்கத்தில் மறுப்புகளும், ஆர்.எஸ்.எஸ்., 

சங் பரிவார், பிஜேபி வகையறாக்களுக்குப் 

பதிலடிகளும் வழங்கப்படும்)

அர்ச்சகர் பிரச்சினை - பல்வேறு தகவல்கள்

தொகுப்பு: மின்சாரம்

பெண்களுக்கு அர்ச்சகர் பயிற்சி... 

ஆன்மிகப் பணியில் சத்தியபாமா

‘பெண்கள் கோயில் கருவறைக்குள் செல்லக் கூடாது’, ‘சாமி சிலைகளை பெண்கள் தொட்டால் தீட்டு’ என்றெல்லாம் சொல்லி ஆன்மிகத்தில் பெண் களுக்கு இந்தச் சமூகம் காலம் காலமாகப் பூட்டி வந்த கைவிலங்கு, ‘பெண்களும் அர்ச்சகராகலாம்’ என்ற தமிழ்நாடு அரசின் உத்தரவால் உடைக்கப்பட்டிருக்கிறது. இந்த நிலையில், கடந்த பத்து ஆண்டுகளாக 243 பெண்களுக்கு அர்ச்சகர் பயிற்சியையும், 108 பெண் களுக்கு தமிழ் வேதங்களை முழங்கி குடமுழுக்கு செய்யும் பயிற்சியையும் கொடுத்திருக்கும் சேலம் மாவட்டம், மேச்சேரியில் வசிக்கும் சத்தியபாமா பற்றி அறிய நேர்ந்தபோது, ஆச்சரியமாகிப் போனோம்.

‘சத்தியபாமா அறக்கட்டளை’ மற்றும் ‘அரசயோகி கருவூரார் தமிழின குருபீடம் தமிழ்வேத ஆகம பயிற்சி பாடசாலை’யின் நிறுவனர் சத்தியபாமாவிடம் பேசினோம். “எனக்கு சொந்த ஊர், சேலம் மாவட்டத் தில் உள்ள மேச்சேரி. திருமணமாகி, மூன்று பிள்ளைகள் இருக்காங்க. சின்ன வயசுல இருந்தே ஆன்மிகத்தில் எனக்கு மிகுந்த ஈடுபாடு. ஆனா, பெண்களை கோயில் கருவறைக்குள்ள அனுமதிக்க மறுக்கிற வழக்கங்க ளுக்கு எதிராக மனதில் பல கேள்விகள் எழும். ஆதி காலத்துல பெண்கள் கருவறை வரை சென்று வழிபடும் உரிமை இருந்திருக்கு. பக்தி வளர்த்த நாயகிகளுக்கு, கோயில்களில் சிலைகள் இருக்கு. திருவரங்கம் கோயிலில் உள்ள ஆண்டாள் நாச்சியார், தமிழ் பாக்கள் பாடி வைணவ வழிபாட்டை வளர்த்த பெண். தஞ்சை இராசராச சோழன் கட்டிய பெரிய கோயிலில், சோழ னின் சகோதரி குந்தவை நாச்சியாருக்கும் முக்கியத் துவம் கிடைக்குது. இப்படி, பெண்களுக்கு ஆயிரம் ஆண்டுகளுக்கு முன்பே கோயில் பூசைகள், மந்தி ரங்கள் ஓதுவதில் முக்கியத்துவம் இருந்ததை அறிய லாம்’’ என்று ஆதிச் சான்றுகள் சொல்லி ஆரம்பித்தார் சத்தியபாமா.

``காலப்போக்குல, பெண்களை கோயில் கருவறைக் குள்ள அனுமதிக்க மறுத்த பிற்போக்குத்தனம் ஆன் மிகத்தில் நுழைந்தது. அது என்னை ரொம்ப நாள் உறுத்திட்டே இருந்ததால, கடந்த 2007 முதல் பெண் களின் கோயில் கருவறை உரிமை, தமிழ்வேத வழிபாட்டு முறைன்னு ஆழமா இறங்கிக் கத்துக்கிட் டேன். சென்னை, காரனோடையில் சமாதியாகியிருக் கும் 12ஆவது பதினெண் சித்தர் பீடாதிபதி அரசயோகி கருவூராரை குருவாக ஏற்றுக்கொள்ளும் பாக்கியம் கிடைத்தது. 23 ஆண்டுகளுக்கு முன்பு இறைவனடி சேர்ந்த அவர், ‘பெண்களை மாதவிடாயின் காரண மாக தீட்டாகக் கருதுகிறார்கள். ஆனால், பெண்கள் சிவபூசை செய்யலாம்’னு சொல்லியிருக்கிறார். அவர் வழியில் இது தொடர்பா இன்னும் பல விடயங்களைக் கத்துக்கிட்டேன்’’ என்பவர், தன் பயிற்சி முறை பற்றி கூறினார்.

``காலம் காலமாக நம் கிராமத்துக் கோயில்கள்ல நம்ம அப்பத்தாக்கள், அம்மத்தாக்கள் பூசை பண் ணினாங்க. இப்போகூட சில இடங்கள்ல வயதான ஆத்தாக்கள்தான் பூசை பண்ணுறாங்க. இடைப்பட்ட காலத்துலதான், பெண்களுக்கான கோயில் கருவறை உரிமை மறுக்கப்பட்டது. அதை மாற்றும் விதமா, பெண்களும் அர்ச்சகர் ஆகலாம் என்பதை செயல் படுத்த, 2010இல் இந்த அறக்கட்டளையை ஆரம்பிச்சு பெண்களுக்கு பூசாரி பயிற்சி, குட முழுக்கு செய்யும் பயிற்சி கொடுக்க ஆரம்பிச்சேன். ஆரம்பத்தில், பத்து வாரப் பயிற்சியாகக் கொடுத்தோம். இப்போ மூன்று நாள்கள் பயிற்சியாகத் தர்றோம். கடந்த பத்து ஆண்டு களில் பெண் அர்ச்சகர்கள் குழுவைக் கொண்டு, 20 கிராமக் கோயில்கள்ல தமிழ்வேத முறைப்படி குட முழுக்கு விழாக்கள் நடத்தி யிருப்பதை எங்களோட பெரிய சாதனையாகப் பார்க்குறோம்.

எங்ககிட்ட கத்துக்கிட்ட இன்னும் சில பெண்கள், தங்களோட குலதெய்வக் கோயில்கள்ல பூசை பண்றாங்க. இதுவரை 243 பெண்களுக்கு அர்ச்சகர் பயிற்சியும், 108 பெண்களுக்கு குடமுழுக்கு பயிற்சியும் கொடுத்திருக்கோம். மருத்துவத்துறை, காவல்துறை, கல்வித்துறைன்னு பல துறைகள்ல பணிபுரியும் பெண் களும் இங்கு வந்து குலதெய்வ வழிபாடு பயிற்சி எடுத் திருக்காங்க. இப்போ ‘பெண்களும் அர்ச்சகராகலாம்’னு அரசே அறிவித்திருப்பதால், பெரிய சந்தோசத்தில் இருக்கோம். இனி பெண்கள், அறநிலையத்துறைக்கு உட்பட்ட கோயில்களிலும் கருவறையில் பூசை செய் யும் காட்சிகள் காணக் கிடைக்கணும்’’ என்றார் நெகிழ்ச் சியுடன்.

சமீபத்தில் கரூரில் சத்திய பாமாவின் அமைப்பு சார்பில், தமிழ் அமைப்புகள் உதவியோடு 30 பெண் களுக்கு மூன்று நாள்கள் அர்ச்சகர் பயிற்சி கொடுக்கப் பட்டு, சான்றிதழும் வழங்கப்பட்டன. அவர் களில் சிலரிடம் பேசினோம்.

உசிலம்பட்டியைச் சேர்ந்தவர் பவ்யா. “எங்க ஊரு தேனி மாவட்டம் தேவதானப்பட்டி. உசிலம்பட்டியில பூக்கடை வெச்சிருக்கோம். என் வீட்டுக்காரர் தேவ தானப்பட்டியில் உள்ள ஆத்தோர சுந்தர விநாயகர் கோயிலுக்கு பரம்பரை பூசாரியா இருக்காரு. உசிலம் பட்டி மாதரை பத்ரகாளியம்மன் கோயில்லயும் பத்து ஆண்டுகளாக பூசாரியா இருக்காரு. சத்தியபாமா அம்மா அர்ச்சகர் பயிற்சி தர்றதை பத்தி, என் கொழுந் தனார் என்கிட்ட சொன்னாரு. எனக்கு இதுல ஆர்வம் இருக்குறதால, முயற்சி எடுத்து கலந்துக்கிட்டேன். மந் திரம் சொல்றது, நைவேத்தியம் செய்வது, தீபாராதனை காட்டுறது, ஹோமம் வளர்க்குறது, தீர்த்த கலசம் ரெடி பண்றது, ஹோமகுண்டம் போடுறதுனு எல்லா பூசை முறை களையும் சொல்லிக்கொடுத்தாங்க. தமிழ்வேத மந்திரங்கள் அடங்கிய புத்தகத்தையும் தந்திருக்காங்க. வீட்டுல 48 நாள்கள் கலசத்தை வெச்சு, மந்திரங்களை ஓதி பூசை பண்ணினா, எல்லா மந்திரங்களும் மனப் பாடம் ஆகிடும்னு சொல்லி யிருக்காங்க. வீட்டுல கலச பூசையை ஆர்வமா பண்ண ஆரம்பிச்சுட்டேன்’’ என்றார்.

கேரள மாநிலம், வண்டிபெரியார் பகுதியில் வசிக்கிறார் செல்வி. ‘`நான் ஏற்கெனவே சத்தியபாமா அம்மா கிட்ட பயிற்சி எடுத்திருக்கேன். இப்போ மூணு நாள்கள் பயிற்சியில மறுபடியும் வந்து கலந்துக்கிட்டேன். கருவறை உயிர்ப்பு மந்திரம், சிவயோக பயிற்சி, காப்பு மந்திரம், குருமந்திரம், சந்நிதான மந்திரம், கிரகநிலை மந்திரம், குலதெய்வ மந்திரம், அந்தந்தக் கிழமைக்குரிய மந்திரம்னு பல பயிற்சிகள் கொடுத் தாங்க’’ என்றார் பரவசத்துடன்..

சென்னையைச் சேர்ந்த மீனா நமச்சிவாயத்துக்கு வயது 57. ‘`இளம் வயதில் இருந்தே ஆன்மிகத்தில் ஈடுபாடு அதிகம். தேவாரம், திருவாசகம் பாடல்கள் எனக்கு அத்துபடி. அதையெல்லாம் சொல்லி வீட்டு பூசைகள் பண்ணுவேன். விரும்பி அழைக்கிறவங்க வீடு களுக்குப் போய், ‘இல்லந்தோறும் திருவாசகம்’னு பாடல்களைப் படித்து பூசை பண்ணுவேன். ஆதம் பாக்கம் முத்துமாரியம்மன் கோயில்ல பெண்கள் கூடி பூசைகள் செய்து, வழிபாடு நடத்துவோம். ஆனாலும், கருவறையில சிவனை வழிபடணும் என்பது என் ஏக்கம். இந்த நிலையில, முத்துமாரியம்மன் கோயில் குருக்கள் விக்னேஷ் மூலமா கரூர்ல அர்ச்சகர் பயிற்சி கொடுப்பதைக் கேள்விப்பட்டு ஆர்வமா கலந்துக்கிட் டேன். அர்ச்சகர் பயிற்சி யோடு, ஆன்மிகத்துல இன்னும் பல விஷயங்களையும் புரியவெச்சாங்க.

பெண்கள் சில கோயில்களுக்குள்ள நுழையவே இன்னும் தடை இருக்கும் சூழ்நிலையில, ‘பெண்களும் அர்ச்சகர் ஆகலாம்’ என்ற தமிழ்நாடு அரசின் சமீபத்திய அறிவிப்பு எங்களுக்கு எல்லாம் பெரும் உற்சாகம் கொடுத்திருக்கு. கடவுளின் அருளை பெண் கள், ஆண்கள் வழியாதான் பெறணுமான்னு என் மனசுல இருந்த ஆறாத கேள்வி, இப்போதான் சமாதானம் ஆகியிருக்கு. எனக்கு தமிழ்வேத மந்திரங்கள் ஓதி சிவ பூசை செய்ய ஆசை. அந்த வாய்ப்பு கிடைச்சா ஜென்ம பாக்கியம் அடைவேன்” என்றார் உணர்ச்சி மேலிட.

பெண்களின் குரல்கள் மீண்டும் கோயில் கரு வறைகளில் ஓங்கி ஒலிக்கட்டும்.

- ‘அவள் விகடன்', 14.9.2021

- - - - -

சபரிமலைக்கு பக்தனாக வந்த நான் 

இன்று சபரிமலையில் அர்ச்சகர்

யது கிருஷ்ணா தன் வயதொத்த மற்ற குழந்தைகளில் இருந்து வேறுபட்ட அரிதான குழந்தையாக இருந்தான். அவனை கோவிலுக்கு கட்டாயப்படுத்தி அழைத்து செல்ல வேண்டியதில்லை. கோவில்களில் பின்பற்றப் படும் சடங்குகளால் ஈர்க்கப்பட்ட யது தனது ஆறாவது வயதிலேயே வீட்டிற்கு அருகில் உள்ள கோவிலில் தன்னாலான உதவிகளை செய்து வந்தான். இரண் டாண்டுகளுக்கு முன்னர் திருவிதாங்கூர் தேவசம் போர்டு நடத்திய அர்ச்சகர் நியமனத் தேர்வில் மொத்தமுள்ள 62 இடங்களில் 4 ஆவது இடத்தை பெற்று, திருவிதாங்கூர் தேவசம் போர்ட் நிர்வகிக்கும் 1200 கோவில்களில் தாழ்த்தப்பட்ட வகுப்பைச் சார்ந்த ஒருவர் முதல் முறையாக அர்ச்சகராக தேர்வு செய்யப் பட்டார்.

அதன்படி 2017 ஆம் ஆண்டு தாழ்த்தப்பட்ட புலையர் வகுப்பைச் சார்ந்த இளைஞரான இவர் பத் தினம்திட்டா மாவட்டத்தின் வலஞ்சவட்டம் கிராமத் தில் அமைந்துள்ள மணப்புரம் மஹாதேவா ஆலயத் தின் கர்ப்ப கிரகத்தில் நுழைந்து வரலாறு படைத்தார். அர்ச்சகராக நியமிக்கப்பட்டு இரண்டாண்டுகள் கடந்த நிலையில் இம்மாதம் (டிசம்பர்) சபரிமலையில் சிறப்பு அலுவல் நிமித்தமாக தெரிவு செய்யப்பெற்றுள்ளார். "சபரிமலைக்கு அய்ந்து முறை பக்தனாக வந்துள்ள நான் இன்று இங்கேயே பணி செய்வதென்பது உண்மையில் நல்வாய்ப்புத்தான்" எனக் கூறும் யது கிருஷ்ணாவின் பெற்றோர்கள் தினக் கூலிகள் ஆவர்.

தன் பன்னிரண்டாவது வயதில் திருச்சூரில் இருந்து 50 கி.மீ தொலைவில் உள்ள வடக்கு பரவூரில் அமைந் துள்ள சிறீ குரு தேவ வைதீக தந்த்ர வித்யா பீடத்தில் சேர்ந்து சமஸ்கிருதத்தையும் தந்த்ர சாஸ்திரத்தையும் பயின்றார். அர்ச்சகராக நியமிக்கப்பட்ட பின்னர் படிப்பை தொடர முடியாமல் நிறுத்திய யது கிருஷ்ணா "சமஸ்கிருதத்தில் முனைவர் பட்டம் பெறவேண்டும் என்பதே தற்பொழுது என் விருப்பம்" என தன் விருப்பத்தை தெரிவிக்கிறார். தான் அடைய எண்ணிய இலட்சியங்களை அடைவதற்கு தனக்கு "ஜாதி" எவ்விதத்திலும் தடையாக இருக்கவில்லை எனக் கூறும் யது அர்ச்சகராக தான் பொறுப்பேற்றதும் உயர் ஜாதி பிரிவைச் சார்ந்த பலர் ஒன்றிணைந்து தான் அர்ச்சகர் பணியை சிரத்தையுடன் செய்யவில்லை என புகார் அளித்தனர். எனினும் விசாரணைக்கு பிறகு அவர்கள் அளித்த குற்றச்சாட்டில் உண்மையில்லை என்பது வெளியானது என்று கூறுகிறார். "அர்ச்சகராக பொறுப்பேற்றது முதல் எவ்விதமான கசப்பான அனுபவங்களையும் தான் பெறவில்லை" எனக் கூறும் யது வருங்காலத்தில் புகழ்பெற்ற கோவில் ஒன்றின் தலைமை அர்ச்சகராக ஆக வேண்டும் என நம்பிக்கை கொண்டிருக்கிறார்.

- ‘டைம்ஸ் ஆஃப் இந்தியா', 29.12.2019

தேவநாதன், பத்ரிநாத், சாமியார் ஆசாராம் யார்? யார்?"துக்ளக்" பதில் சொல்லுமா?

 Viduthalai  September 29, 2023  பதிலடிப் பக்கம்,

(இந்தப் பக்கத்தில் மறுப்புகளும், ஆர்.எஸ்.எஸ்., 

சங் பரிவார், பிஜேபி வகையறாக்களுக்குப் 

பதிலடிகளும் வழங்கப்படும்)

தேவநாதன், பத்ரிநாத், சாமியார் ஆசாராம் யார்? யார்?

"துக்ளக்" பதில் சொல்லுமா?

கவிஞர் கலி.பூங்குன்றன்

4.10.2023 நாளிட்ட ‘துக்ளக்'கில் வெளி வந்துள்ள கேள்வி - பதில்களுக்கு இங்கு பதிலடிகள் தரப்படுகின்றன.

கேள்வி: நீங்கள் இந்தியனா, பாரதியனா?

பதில்: பாஸ்போர்ட்டில் இந்தியன், மனதில் பாரதியன்.

நமது பதிலடி: அப்பா யார் என்று கேட்டால் இப்படிதான் பதில் சொல்லுவார்களோ!

- - - - -

கேள்வி: குலம் கோத்திரம் பார்க்கப்படுவதன் நோக்கம் என்ன?

பதில்: குலம், கோத்திரம் என்பது ஒருவரின் கலாசார விலாசம். கலாசார முறையில் உறவு தேடுபவர்களுக்கு அவசியமானது அது.

நமது பதிலடி: அது என்ன கலாசாரம்? பார்ப்பான் பிச்சை எடுத்து சாப்பிட வேண்டும். கும்பகோணத்தில் பிச்சைக்காரப் பார்ப்பனத் தெரு என்றே ஒன்று இருக்கிறதே!

இதுபற்றி குருமூர்த்தியின் மகா பெரியவாள் மறைந்த காஞ்சி சங்கராச்சாரியார் சந்திரசேகரேந்திர சரஸ்வதி கூறியுள்ளாரே! (காஞ்சி காமக்கோடி சங்கராச் சாரியார் உபந்நியாசங்கள் முற்பகுதி).

குருமூர்த்தி அய்யர் உட்பட குடுமி வைத்துக் கொள்வதில்லை. பஞ்சகச்சம் வைத்து வேட்டிக் கட்டுவதில்லை. சர்.சி.பி.ராமசாமி அய்யர் மாட்டு நாக்கைத்தான் ருசித்து சாப்பிடுவாராம்.

கணவனை இழந்த பாப்பாத்தி அம்மாள் மொட்டை பாப்பாத்தி என்று அழைக்கப்படுவதுண்டா?

"வேலைக்குச் செல்லும் பெண்கள் ஒழுக்கக் குறைவானவர்கள்" என்று மறைந்த சங்கராச்சாரியார் ஜெயேந்திர சரஸ்வதி கூறினாரே - பார்ப்பனப் பெண்களும் அந்தப் பட்டியலில் வரமாட்டார்களா?

பெண்களில் 30 சதவீதத்தினர் தான் பெண்மை உள்ளவர்கள் என்று இதே குருமூர்த்தி சொல்லி வாங்கிக் கட்டிக் கொள்ளவில்லையா?

இவற்றில் எதுவெல்லாம் குலம், கோத்திரம் என்று சீர்புரிந்து வாய்ப்பாடு கூறுமா ‘துக்ளக்'?

"கிரேதாயுகக் காலங்களில் ராக்ஷதர்கள் எல்லாம் கலியுகக் காலத்திலும் பாப்பார ஜாதியில் பிறப்பார்கள், கெட்ட அசிங்கங்களைச் செய்வார்கள்! என்று தேவி பாகவதத்தில் பரமேஸ்வரராலும், மகாபாரத்தில் பீஷ் மாச்சாரியாராலும் கூறப்பட்டிருக்கிறது. அவ்வாக்கி யங்களை இக்காலத்துப் பார்ப்பனர்கள் நிர்ணயப்படுத்து கிறார்கள் போலும்! மேற்படி நூல்களைப் பற்றி யானெ ழுதுவது மிகையே! ஏனெனில் ‘குடிஅரசில்' நமது கைவல்யம் கை வலியாது கணக்கற்றவை வரைந்து கொண்டே வருகிறார்" - ஒரு நிருபர் (‘குடிஅரசு', 13.1.1929).

இங்கே எல்லாம் கோத்திரம் எங்கே போயிற்று?

சதாசிவம் - எம்.எஸ்.சுப்புலட்சுமி கல்யாணம் எந்தக் கோத்திரத்தைச் சார்ந்தது? ராஜகோபாலாச்சாரி யாரும் - காந்தியாரும் சம்பந்தியானது எந்த வகைக் கோத்திரம்?

அமெரிக்கா சென்று ‘பிராமணிசத்தை' பரப்புரை செய்து வந்த விவேகானந்தர் மனோன்மணியம் சுந் தரனாரின் விருந்தினராகத் தங்கியிருந்தபோது ‘நீங்கள் எந்தக் கோத்திரம்'? என்று விவேகானந்தர் கேட்க ‘திராவிடக் கோத்திரம்' என்று முகத்திலடித்தாற்போல சுந்தரனார் பதிலடி கொடுத்தாரே - இதற்கு என்ன பதில் குருமூர்த்தியாரே?

- - - - -

கேள்வி: பெண்களிடம் நீங்கள் வியந்தது என்ன?

துக்ளக் பதில்: குடும்பம் குழந்தைகள்தான் வாழ்க்கை என்று நினைப்பதிலிருந்து திருமணம் இல்லாமல் ஒரு ஆணுடன் சேர்ந்து வாழ்வது வரை, உடல் முழுவதும் மறைத்து உடை உடுப்பதிலிருந்து, உடல் முழுவதும் தெரியும்படி உடை உடுப்பது வரை - பெண்கள்தான் எத்தனை விதமாக இருக்கிறார்கள் என்று வியந்திருக்கிறேன்.

நமது பதிலடி: பெண்கள் எப்படி உடை உடுத்து கிறார்கள், உடல் பாகங்கள் தெரிகிறதா என்பது வரை உற்றுப் பார்ப்பதுதான்  குருமூர்த்தி வேலையா?

சின்ன வயதில் வெண்ணெய்யைத் திருடி வாலிப வயதில் பெண்ணைத் திருடியவன் தானே இவாளின் கிருஷ்ண பகவான்.

ஆடைகளை அவிழ்த்துக் கரையில் வைத்துவிட்டு, குளத்தில் குளிக்கப் போன பெண்களின் உடைகளைத் திருடி, மரக் கிளையில் ஏறி உட்கார்ந்து கொண்டு பெண்களை இரசித்த காமுகனைக் கடவுள் என்று கொண்டாடி அத்தகைய படங்களை அசூயை இன்றி வீட்டில் மாட்டி வைத்து பூமாலை சாத்தி நமஸ்காரம் செய்யும் கும்பல் பெண்களின் தனிப்பட்ட உடைகளைப் பற்றி ஆராய்ச்சியில் மூழ்குவது வெட்கக்கேடு அல்லவா!

சாமியார் ஆசாராம் ஆசிரமத்தின் யோக்கியதை என்ன? 

"எங்கள் கடவுள் கிருஷ்ணன் செய்ததைத்தான் நான் செய்தேன்" என்று நீதிமன்றத்திலேயே சொல்ல வில்லையா? மன உளைச்சல் ஏற்படும்போது எல்லாம் சாமியார் ஆசிரமத்துக்குச் செல்லுவதாக மோடிஜி சொல்லவில்லையா?

காஞ்சிபுரத்தில் கோயில் கருவறைக்குள்ளேயே பெண்களைக் கரு உறச் செய்பவன் தா«ன் இவர் களுக்குத் தேவநாதன்.

மடத்துக்கு வந்த பெண்ணின் கையைப் பிடித்து இழுத்தவர்தானே இவாளுக்கு ஜெகத்குரு. வெட்கக் கேடு. அவருக்கான விழாவில்தானே ஆளுநர் கலந்து கொண்டு ஆன்மிகம் பேசுகிறார்.

- - - - -

கேள்வி: ஏன் என்ற கேள்வி இல்லாமல் வாழ்க்கை இல்லை என்கிறது தத்துவம். உங்கள் வாழ்க்கையில் திருப்புமுனையாக ஏற்பட்ட ‘ஏன்' தாக்கம் பற்றி?

துக்ளக் பதில்: ஏன் என்ற கேள்வி தொடர்கதை. அதனால் வாழ்க்கைத் திருப்பமும் தொடர் கதை. ஏன் என்ற கேள்வி நின்றால்தான் அதனால் ஏற்படும் வாழ்க்கைத் திருப்பங்களும் நிற்கும். மனிதன் சிந்திக்கும் வரையில் அந்தக் கேள்வி தொடர்கதை. வாழ்க்கைத் திருப்பங்களும் தொடர்கிறது.

நமது பதிலடி: ஏன், எதற்கு, எப்படி, என்று கேள்வி கேள் என்று தந்தை பெரியார் சொன்னபோது கசந்தது; இப்பொழுது அது இனிக்கிறதோ - எங்கு முட்டியும் கடைசியில் ஈரோட்டுச் சந்திப்பில் வந்துதான் சேர வேண்டும்.

- - - - -

கேள்வி: அய்ம்பது ஆண்டுகளுக்கும் மேலாக கம்யூனிஸ்ட்டுகள், வேலையின்மை, விலைவாசி உயர்வு என்ற பிரச்சினைகளையே சொல்கிறார்களே, வேறு பிரச்சினைகள் எதுவும் இல்லையா?

துக்ளக் பதில்:  அதனால்தான் 60 ஆண்டுகளுக்கு முன் நாட்டில் காங்கிரஸுக்கு அடுத்த கட்சியாக இருந்த அவர்கள் இன்று சரிந்து திமுகவிடம் பணமும் கேட்கும் கட்சியாக விட்டார்கள்.

நமது பதிலடி: நீங்களும்தான் ஆயிரம் ஆயிரம் ஆண்டுகளாக கடவுள், மதம், பக்தி, யோகம், சம்பாராதனை, ஸநாதனம் என்று பேசி வருகிறீர்கள்.

கடைசியில் என்ன? உங்களின் குருநாதர் ‘சோ' ராமசாமி சொன்னாரே - கோயிலுக்கு எதுக்குப் போறான் ‘சைட்' அடிக்கத்தானே போகிறான்.

(‘துக்ளக்', 1.6.1981, பக். 32)

கம்யூனிஸ்ட்டுகள் வேலை வாயப்பு, விலைவாசி உயர்வு பற்றி பேசுவது, போராடுவது மக்கள் நலனைச் சார்ந்தது. குருமூர்த்தி கூட்டம் ஆயிரம் ஆயிரம் ஆண்டுகாலமாகக் கூவுவது பக்தியின் பெயரால் ஒழுக்கக் கேட்டை வளர்ப்பதும், சுரண்டல் கொள்ளை நடத்துவதும்தானே!

- - - - -

கேள்வி: தமிழகத்தில் முதன்முதலாக மூன்று பெண் அர்ச்சகர்கள் தேர்வானதை, "கருவைச் சுமக்கும் பெண்கள் கருவறைக்குள்" என்று முதல்வர் புகழ்ந் திருக்கிறாரே?

துக்ளக் பதில்: கருவைச் சுமக்கும் பெண் அர்ச்சகர்கள் கருவறையில் இருக்கும் கோயிலில் ஸ்டாலின் குடும்பத்தினர் நேர்த்திக்கடன் செய்தபிறகு, ஸ்டாலின் பேசியது உண்மையா அல்லது எதுகை மோனைக்காகவா என்பது தெரிந்து விடும்.

நமது பதிலடி: கேள்விக்கும் - பதிலுக்கும் ஏதாவது சம்பந்தா சம்பந்தம் இருக்கிறதா? இந்தப் பாணிக்குப் பெயர்தான் பார்ப்பனத்தனம் என்பது.

கோயிலுக்குப் பெண்கள் செல்லுவதற்குத் தடையில்லை. ஆனால் கோயில் கருவறைக்குள் பெண்கள் செல்லத் தடை இருக்கிறது இவாளின் ஸநாதனத்தில். அதை உடைத்துப் பெண்கள் கருவறைக்குள் செல்ல வைத்தது என்பது ஸநாதனத்துக்கு விழுந்த சவுக்கடி தானே!

கோயிலுக்குள் ஆண் சாமி, பெண் சாமி இருக்கிறதே - அது எப்படியாம்?

தேவநாதன் (காஞ்சிபுரம்), சிறீவில்லிபுத்தூர் ஆண்டாள் கோயில் பத்ரிநாத் கதைகளுக்கு என்ன பதில்?

குஜராத் மாநிலம் தபோயில் உள்ள சுவாமி நாராய ணன் கோயில் - அக்கோயிலுக்குள்ளேயே இருந்த குடிலிலேயே அர்ச்சகப் பார்ப்பனர் சந்த் தேவ்வல்லம், பக்தைகளிடம் ஆடிய சல்லாபம் சாதாரணமா? 

‘சந்தோஷ்' பத்திரிகை படத்துடன் வெளியிட்டதே!

- - - - -

கேள்வி: இறைவனை நாம் அடைய வேண்டுமா? இறைவன் நம்மை அடைய வேண்டுமா?

பதில்: எங்கும் வியாபித்த பிரும்மம் (எனும் இறைவன்) நம்முள் இருக்கிறான் என்ற நிலையை நாம் அடையும்போது, இறைவன் நம்முள் உறைகிறான். இறைவனுள் நாம் உறைகிறோம். இதை இரண்டறக் கலந்த நிலை என்கிறார்கள் - ஆன்மிகப் பெரியோர்கள்.

நமது பதிலடி: நேரடியாகப் பதில் சொல்ல முடியாவிட்டால் யாரோ ஆன்மிகப் பெரியோர்கள் என்று தப்பித்துக் கொள்வது அறிவு நாணயமா?

எங்கும் வியாபித்த இறைவனுக்குக் கோயில் கட்டுவானேன் - அர்ச்சகர் ஏன்? ஆறுகால பூஜை ஏன்? கடவுளுக்கு மனைவி, வைப்பாட்டி ஏன்? குழந்தைகள், குட்டிகள் ஏன்? கடவுள்களுக்குள் சண்டைச் சச்சரவுகள் ஏன்? கொலைகள் ஏன்?

இப்படி இறைவனைப் பற்றிக் கூறும் கூட்டத் திற்கிடையே மதமாச்சாரியங்கள் ஏன்? ஒரே மதத்தில் அடி தடிகள் ஏ ன்? நாமச் சண்டைகள் ஏன்? ஏன்? ஏன்? ஏன்?

ஊரை ஏமாற்றுவதற்கும், சுரண்டலுக்குமான ஏற்பாடுகள்தான் இவை என்று நாணயமாக ஒத்துக் கொள்ளட்டும்!

மயிலாப்பூர் முண்டககண்ணியம்மன் கோவிலில் பெண் ஓதுவார் நியமனம்

 Viduthalai  September 27, 2023  தமிழ்நாடு,

சென்னை,செப்.27- தமிழ் நாடு முதலமைச்சர் மு.க.ஸ்டாலின் உத்தரவின் பேரில், இந்து சமய அறநிலையத்துறை அமைச்சர் சேகர்பாபு கோவில்களில் 39 ஓதுவார்களை நியமித்து உள்ளார். இதில் 10 ஓதுவார்கள் பெண்கள். இந்த நிலையில் கடந்த 25-ஆம் தேதி மேலும் 5 பெண் ஓதுவார்கள் உள்பட 20 ஓதுவார்கள் கோவில்களில் நேரடி நியமனம் மூலம் தேர்வு செய்யப்பட்டு பணி ஆணை வழங்கப்பட்டது.

அந்த வகையில் பெரம்பலூர் மாவட் டம், குன்னத்தைச் சேர்ந்த அருண்ராஜ் என்பவரது மனைவி சி.சிவரஞ்சனி, சென்னை மயிலாப்பூர் முண்டக கண்ணியம்மன் கோவி லில் ஓதுவாராக நியமிக் கப்பட்டு பொறுப்பேற்று கொண்டார்.

அப்போது அவர் செய்தியாளர்களிடம் கூறியதாவது:-

பெரம்பலூர் அரசு இசை பள்ளியில் ஆசிரி யர் நடராஜனிடம் 3 ஆண்டுகள் படிப்பான தேவாரம் பயின்றுள் ளேன். ஏற்கெனவே பி.எஸ்சி., பி.எட். பட்டப் படிப்பும் படித்து உள் ளேன். கோவில்களில் ஓதுவார் பணிக்கு விண் ணப்பித்து இருந்தேன். இந்து சமய அறநிலை யத்துறை அமைத்துள்ள கமிட்டி நடத்திய தேர் வில் கலந்து கொண்டு தேர்வு செய்யப்பட்டு உள்ளேன். அறநிலை யத்துறையில் இன்னும் அதிகம் பெண் ஓது வார்கள் பணிக்கு வர வேண்டும். தமிழ்நாடு அரசின் வெற்றிப்பய ணம் தொடர வேண்டும்' என்றார்.