அமர்நாத் குகையில் அற்புத பனி லிங்கமா?

இமயமலையில் உள்ள அமர் நாத் குகையில் ஒவ்வொரு ஆண் டும் குறிப்பிட்ட சில மாதங்களில் அற்புத சிவலிங்கம் ஒன்று தோன்றி காட்சியளிக்கிறது என்றும், பின் அது தானே மறைந்து விடுகிறது என்றும், பக்தர்கள் போற்றிப் புகழ்ந்து வருகிறார்கள்.  ஆண்டு தோறும் இந்த அற்புத சிவலிங் கத்தைக் கண்டு வணங்கி வழிபாடு நடத்துவதற்காக பல்லாயிரக்கணக் கான பக்தர்கள் அந்த இடத்திற்கு புனிதப் பயணம் மேற்கொள் கிறார்கள்.

சிவனும் - பார்வதியும் வாழ்ந்த குகை அதுவென்றும், அந்தக் காலத்தில் பார்வதிதேவி வழிபாடு செய்து வந்த சிவலிங்கமே அதுவென்றும் கதைகள் புனைந்து பரப்பி வருகின்றார்கள். காஷ்மீரில் உள்ள வழிபாட்டு மய்யமான அமர்நாத்திற்கு பகல்ஹாமில் இருந்து கந்தன்வாடி வழியாக 38 கிலோமீட்டர் செல்ல வேண்டும். 12,729 அடி உயரத்தில் இந்த குகையில் இருந்து, புகழ்பெற்ற கோல்ஹாய் பனிச்சிகரம் அதிக தொலைவில் இல்லை.

அமர்நாத்தில் உள்ள அந்தக் குகையில் குளிர்காலத்தின் தொடக்கத்தில் தோன்றுகின்ற ஒரு பனிக்கட்டியின் வடிவத்தைத்தான் சிவலிங்கமாகக் கருதி வழிபடுகிறார்கள். குகையின் மேல்புறத்தில் உள்ள ஒரு இடுக்கு வழியாக கசிந்து வருகின்ற தண்ணீர் துளித்துளிகளாக கீழே விழுகின்றன. பனிக் காலத்தின் கடும் குளிரில் தண்ணீர்ப் பனிக்கட்டியைத்தான் சிவலிங்கமாகக் கருதி வழிபட்டு வருகிறார்கள். நானும் ஒருமுறை பயணம் செய்து அந்தக் குகைக்குச் சென்றேன். அதைப் பார்வையிட்டேன். அப்போது அந்தப் பனிக்கட்டி லிங்கத்தை நிழற்படமும் எடுத்து வந்தேன். அந்த ஆண்டில் அப்போது நிலவிய குளிரின் தன்மைக்கேற்ப அமைந்த பனிக்கட்டியின் வடிவமே ஒளிப்படத்தில் பதிவானது.

குகைக்கு மேலேயிருந்து விழுகின்ற தண்ணீரின் அளவும், அன்றைய சூழ்நிலையில் உள்ள குளிரின் தன்மைக்கு ஏற்பவும் சிவலிங்கத்தின் வடிவம் சிறியதாகவோ, பெரியதாகவோ தோற்றம் அளிக்கிறது. ஜூன், ஜூலை மாதங்களில் சுற்றுப்புறச் சூழ்நிலை சூடாக - வெப்பமாக மாறும்போது பனிலிங்கம் உருகி இல்லாமலேயே போய்விடுகிறது. டிசம்பர், சனவரி மாதங்களில் அந்தப் பகுதி முழுவதும் பனியால் மூடப்பட்டு கிடக்கிறது. அமர்நாத் குகையில் உள்ள சிவலிங்கத்தின் அருகே ஒரு மின் வெப்பக் கருவியை (ஹீட்டர்) வைத்துப் பார்க்கட்டுமே. அப்போது தெரியும், அது கரைந்து தண்ணீராக மாறிப் போவதை. இப்படிப்பட்ட சிவலிங்கங்களை நாம் குளிர்சாதனப் பெட்டியில் (ஃபிரிஜ்) கூட உருவாக்கலாம்.
- ஜோசப் இடமருகு

-விடுதலை ஞா.ம,22.7.17

அமர்நாத் யாத்திரை எனும் கொலைக்களம் இன்னும் எத்தனை மனித உயிர்கள் தேவை?

இமயத்தையொட்டிய தெற்கு காஷ்மீர் பகுதியில் ஆண்டுதோறும் 48 நாள்களில் பக்தர்கள் அமர்நாத் பனிலிங்கத்தைக் காண்பதற்காக செல்கிறார்கள்.

எல்லையோர மாநிலமான காஷ்மீரில் பதற்றம் நிறைந்து காணப்படுகின்ற நேரத் திலும், பாதுகாப்புப் படையினர், காவல் துறையினர், மாநில நிர்வாகம், மத்திய உள் துறை அமைச்சகம் உள்ளிட்ட அனைத்து அரசுத்துறை எந்திரங்களும் முடுக்கிவிடப் படுகின்றன என்றால், அமர்நாத் யாத்திரை என்று கூறப்படுகின்ற இந்து மத பக்தர்களின் பயணமாகத்தான் இருக்கிறது. 
அமர்நாத் பயணத்தில் வருபவர்களுக்கு மத வேறுபாடுகளின்றி முசுலீம்கள் பெரு மளவில் உதவிகள் செய்து வருகின்றனர். மனிதநேயத்தைக்காண வேண்டுமானால் காஷ்மீரிகளிடம் காணலாம் என்று உணர்ச்சிமிகுதியில் அமர்நாத் பயணக் குழுவின் பக்தரான உத்தரப்பிரதேசம் மீரட்டைச் சேர்ந்த அஜீத் குமார் அரோரா என்பவர் கூறுவது சமூக வலைத்தளங்களில் வலம் வந்துகொண்டிருக்கிறது.. சகோதரத் துவத்துடன் நெடுந்தொலைவிலிருந்து வரக்கூடிய பக்தர்களுக்கு மத வேறுபாடுகள் பார்க்காமல் உணவளிக்கிறார்கள் காஷ்மீர் மாநில முசுலீம்கள்.

2016இல் 22 பேர் இறப்பு

2016 ஆம் ஆண்டில்  காஷ்மீர் மாநிலம் முழுவதும் பதற்றமாக இருந்த நேரத்தில் அமர்நாத் பயணம் நடைபெற்றது. 2.2 லட்சம்பேர் பங்கேற்ற அமர்நாத் பயணத் தில் இருவர் விபத்திலும், மற்றவர் உடல் நலக்குறைவாலும் ஆக மொத்தம் 22 பேர் உயிரிழந்தார்கள் என்று ஆளுநர் இரங்கல் தெரிவித்தார். (இந்தியா டுடே ஏடு 18.8.2016)

எகனாமிக்ஸ் டைம்ஸ் தகவலின்படி, 2016ஆம் ஆண்டில் அமர்நாத் பயணக் குழுவில் இடம்பெற்றவர்கள் 29 பேர் உயிரிழந்தார்கள். மேலும் பாதுகாப்புப்படை வீரர்கள் பலருடன் உள்ளூர் முசுலீம்கள் இருவர் ஆகியோரும் மாரடைப்பு உள் ளிட்ட பல்வேறு காரணங்களால் உயிரிழந் தார்கள்.  மேலும், கடைசி 25 நாள்களில் பனிலிங்கம் முன்னதாகவே உருகத் தொடங்கியதால் அமர்நாத் பயணத்துக்கு தடை விதிக்கப்பட்டது.

2007 ஆம் ஆண்டில் 2.96 லட்சம், 2008 இல் 5.33 லட்சம், 2009இல் 3.81 லட்சம், 2010இல் 4.55 லட்சம், 2011இல் 6.36 லட்சம், 2012இல் 6.22 லட்சம், 2013இல் 3.53லட்சம், 2014இல் 3.72 லட்சம், 2015இல் 3.52 லட்சம் 2016இல் 2.2லட்சம் எண்ணிக்கையில் அமர்நாத் பயணம் மேற்கொண்டனர்.

1996இல் 243 பேர் இறப்பு

22.8.1996 அன்று மோசமடைந்த பருவ கால நிலையால், அமர்நாத் பயணம் செய்த 243 பக்தர்கள் உயிரிழந்தனர். அமர்நாத் யாத்திரையில் ஏற்படுகின்ற அச்சுறுத்தல்கள் குறித்து விசாரணை செய்வதற்காக மத்திய உள்துறை அமைச்சகத்தின் சார்பில் நிதிஷ் சென்குப்தா விசாரணைக் குழு அமைக்கப் பட்டது. அதன்பின்னர் இடையிடையே நடைபெற்ற திடீர்த் தாக்குதல்கள், தாக்கு தலுக்கான முயற்சிகளைத் தொடர்ந்து தீவிர வாதிகளின் தாக்குதல்கள் எப்போதுமில் லாத அளவுக்கு அமர்நாத் பயணப்பாதை களில் மோசமாக நடைபெற்றது.

2000இல் 18 பக்தர்கள் உள்பட 34 பேர் இறப்பு

1.8.2000 அன்று தீவிரவாதிகளின் தாக் குதலில் 18 பக்தர்கள் உள்பட 34 பேர் கொல்லப்பட்டனர்.

அப்போதைய முதல்வர் ஃபரூக் அப்துல்லா உத்தரவின்பேரில் இராணுவ தளபதி ஜே.ஆர்.முகர்ஜி தலைமையில் குழு அமைக்கப்பட்டது. அக்குழுவில் உள்துறை தலைமைச்செயலாளர் சி.போன்சாங், அனந்த்நாக் காவல்துறை துணை ஆணை யர் ஜி.ஏ.பீர் மாநில அரசின் பாதுகாப் புக்கான அலுவலர் மற்றும் 15 படையினர் இடம்பெற்றனர். முகர்ஜி குழு அறிக்கையில் (2000ஆம் ஆண்டில்) தீவிரவாதிகளின் தாக்குதலின்போது கொல்லப்பட்ட 16 பேரில் சிஆர்பிஎப் படையினரின் துப்பாக்கிச் சூட்டின்போது 6 பேர் கொல்லப்பட்டனர் என்றும், 12 பேர் உயிரிழந்ததற்கான காரணம் தெரியவில்லை என்றும் குறிப்பிடப்பட்டது. முகர்ஜியின் அறிக்கை ஆளுநருக்கு அளிக்கப்பட்டு, ஆளுநர் உள்துறை அமைச்சகத்துக்கு அனுப்பிவைத்தார். அதன்பின்னர் அவ்வறிக்கை மத்திய அரசின் சார்பில் வெளிப்படுத்தப்படவே இல்லை என்று அனந்த்நாக் மேனாள் துணை ஆணையர் ஜிஏபீர் குறிப்பிட் டுள்ளார்.

அமர்நாத் பயணம்குறித்த பாதுகாப்பு நடைமுறைகளில் குறைபாடுகள்குறித்து 2012ஆம் ஆண்டில் உச்சநீதிமன்றம் தானாகவே வழக்கை எடுத்துக்கொண்டு விசாரணை செய்தது.

2012ஆம் ஆண்டில் உச்சநீதிமன்றத்தில் தொடரப்பட்ட ரிட் (எண்284) சிவில் வழக்கில் ஜம்மு - காஷ்மீர் அரசின் உள் துறை அமைச்சகத்தின் சார்பில் அமர்நாத் பயணப்பாதுகாப்புகுறித்த முறையான செயல்பாட்டு நடைமுறைகள் (ஷிtணீஸீபீணீக்ஷீபீ ளிஜீமீக்ஷீணீtவீஸீரீ றிக்ஷீஷீநீமீபீuக்ஷீமீs-ஷிளிறி) உருவாக்கப் பட்டு, மாநில உள்துறை அமைச்சகத்தின் ஆணையாக (எண் 226) 10.10.2013 அன்று வெளியிடப்பட்டது. அதன்படி, ‘பயணக் குழுவினர் தாக்கப்படுவது குறித்த விளக் கங்கள்’ எனும் தலைப்பில் குறிப்பிடு கையில், அமர்நாத் பயணத்தில் பாதுகாப்பு சூழ்நிலை, பயணப் பாதைக்கான வரை படம், தீவிரவாதிகள் தாக்குதலுக்கான சாத் தியமான பகுதி மற்றும் மாநிலம் முழுவதும் சட்டம் ஒழுங்கு நிலை, பயணத்தின் உணர்ச்சிகரமான தன்மை,  அமர்நாத் பயணத்துக்கு பெரும் முக்கியத்துவமளிக் கின்ற விளம்பரங்கள் உள்ளிட்ட கார ணங்களால் பயணப்பகுதி முழுவதும் தீவிர வாத தாக்குதல்களால் பிரச்சினைக்குரிய தாகவே இருந்துவருகிறது. முறையான செயல்பாட்டு நடை முறை கள் (Standard Operating Procedures-SOP) 6.6.1 பத்தியில் குறிப்பிடும் போது, ஒருங்கிணைந்த தலைமையகத்தின் செயல்பாடுகளின்படி, உளவுத்துறையினரின் வழிகாட்டுதலைக்கொண்டு இராணுவம், காவல்துறை மற்றும் பாதுகாப்புத்துறை யினர் அவரவர் துறைகளைச் சேர்ந் தவர்கள் பாதுகாப்பு பணிகளைக் கவனிக்க வேண்டும். தாக்குதல்களைத் தடுத்திடும் வண்ணம் முன்கூட்டியே பாதுகாப்பு நடவடிக்கைகளை எடுத்திட வேண்டும் என்று கூறப்பட்டுள்ளது. பாதுகாப்பை உறுதி செய்யும் வண்ணம் கண்காணிப்பாளர்களை நியமிக்கவேண்டும் என்று அறிவுறுத்தப் பட்டுள்ளது.

பெருமளவில் சரிவடைந்த 
பக்தர்கள் எண்ணிக்கை

ஆனாலும், மற்ற ஆண்டுகளைவிட 2017ஆம் ஆண்டின் அமர்நாத் பயணக் குழுவில் பக்தர் எண்ணிக்கை பெருமளவு சரிவடைந்துள்ளது. நாளொன்றுக்கு ஒரு பாதையில் 7500 பேர் வரை மட்டுமே செல்ல அனுமதிக்கப்பட்டுள்ளனர்.

கடந்த 10 ஆண்டுகளில் அமர்நாத் பய ணத்தில் கலந்து கொண்டவர்கள் லட்சங் களில் 2007 - 2.96; 2008 - 5.33; 2009 - 3.81;  2010 - 4.55;  2011 - 6.36; 2012- 6.22; 2013- 3.53;  2014 - 3.72; 2015- 3.52;  2016- 2.2; 2017- 2.0.
-விடுதலை ஞா.ம.,22.7.17

மாமாங்கத்தின் அற்புதம் -சித்திரபுத்திரன்

26.02.1933 - குடிஅரசிலிருந்து...

புராண மரியாதைக்காரன் கேள்வி: அய்யா, சுயமரியாதைக் காரரே கும்பகோண மாமாங்க குளத்தில் ஒரு அற்புதம் நடக்கின்றதே அதற்கு சமாதானம் சொல்லும் பார்ப்போம். 
சுயமரியாதைக்காரன் பதில்: என்ன அற்புதமய்யா? 

பு.ம:- மாமாங்கக்குளம் எவ்வளவு சேறாய் இருந்தபோதிலும்,  கூழாய் இருந்த போதிலும் அதில் அவ்வளவு ஜனங்கள் குளிக்கிறார்களே அந்த குளத்துத் தண்ணீர் ஏன் குறைவ தில்லை? இதற்கு பதில் சொல் பார்ப்போம்.

சு.ம:- இது ஒரு நல்ல புத்திசாலித்தனமான கேள்விதான், இதன் காரணம் சொல்லுகிறேன், சற்று தயவு செய்து கேட்க வேண்டும். அதாவது மாமாங்க குளத்தில் உள்ள தண்ணீ ரையெல்லாம் முனிசிபாலிட்டியார் இரைத்து விடுவார்கள். பிறகு ஒரு இரண்டு அடி உயரத்  தண்ணீர் மாத்திரம் அதில் இருக்கும் அடியில் சிறிது மணலும் கொட்டி வைப்பார்கள். ஜனங்கள் தண்ணீரில் இறங்கியவுடன் மணல், சேறு, ஜனங்களின் அழுக்கு ஆகிய எல்லாம் சேர்ந்து குழம்புமாதிரி அழுக்கு நிறமாக ஆகிவிடும். குளிக்கிற ஜனங்களுடைய உடம்பு, துணிகள் எல்லாம் சேற்றுவேஷக்காரன் போல் கருப்பாக ஆகிவிடும். இந்த நிலையில் குளிக்கும் ஒவ்வொரு நபரும் கொஞ்சம் கொஞ்சம் தண்ணீரை தனது வேஷ்டி நனையும் அளவுக்கு குளத்தைவிட்டு வெளியில் எடுத்துக் கொண்டு போகிறான் என்பது வாஸ்த்தவம் தான். ஆனால் அதற்கு பதிலாக ஒவ்வொரு நபரும் ஆண் பெண் அடங்கலும் அக்குளத்தில் கொஞ்சம் கொஞ்சம் தண்ணீர் விட்டு விட்டுத்தான் போகிறார்கள்.

பு-ம:- அதெப்படி தண்ணீர் விட்டு விட்டுப் போகிறார்கள்? நமக்கு அது புரியவில்லையே அவர்களிடம் தண்ணீர் ஏது?

சு.ம: - இதுவும் நல்ல கேள்வி தான், பதில் சொல்லுகிறேன், மாமாங்க காலத்தில் கூட்டம் அதிகம். தெருக்களில் எங்கும் பக்கத்தில்மறைவே இடம் இருக்காது. ஒரு மனிதன் வீட்டை விட்டுப் புறப்பட்டால் மாமாங்க குளத்துக்கு போவதற்குள் நசுங்கி பஜ்ஜியாய் விடுவான். இதன் மத்தியில் அவன் மூத்திரம் பேய வேண்டுமானால் வழியில் காலோடு பேய்ந்துகொள்ள வேண்டும் அல்லது குளத்துக்கே போய் ஆக வேண்டும். ஆகவே யாரும் காலோடு பேய்ந்து கொள்ள சம்மதிக்க மாட்டார்கள். எப்படியாவது அடக்கி, அடக்கி அவசரமாய் குளத்துக்குப் போகும்வரை அடக்கிக் கொண்டுதான் போவார்கள். குளத்தில் இறங்கி துணியை நனைத்துக் கொண்டவுடன் இவர்களை அறியாமலே மூத்திரம் வந்துவிடும். அந்த மூத்திரம் மாமாங்க தீர்த்தத்துடன் தீர்த்தமாய் இரண்டறக் கலந்துவிடும். அப்போது அவர்களால் செலவாகும் தண்ணீர் கிட்டத்தட்ட சரிசமமாகவே பூர்த்தியாகிவிடும். ஆகவே வரவும், செலவும் சரியாகிவிடும். 
பு.ம;- அந்தப்படி அந்தக்குளத்தில் மூத்திரம் சேருமானால் தண்ணீரில் ஒருவித நாற்றமிருக்காதா?

சு.ம:- நாற்றமிருக்கத்தான் செய்யும். தீர்த்தத் தண்ணீரை முகந்து பார்ப்பது மகா பாவம் என்று அவர்களுக்குச் சொல்லி வைக்கப்பட்டிருக்கின்றதல்லவா? ஆதலால் யாரும் முகந்து பார்க்கமாட்டார்கள். ருசியும் பார்க்க மாட்டார்கள். ஏனென்றால் அது அவ்வளவு அழுக்காகவும், குழம்பாகவும் இருக்கும். அன்றியும் இன்னொரு விஷயம் என்னவென் னறால் முனிசிபாலிட்டியார் குளத்துத் தண்ணீரில் கெந்தகப் பொடிபோட்டு வைத்திருக்கிறார்கள். ஆதலால் மூத்திர நாற்றம் எது? கந்தக நாற்றம் எது? என்று சுலபத்தில் கண்டு பிடிக்கவும் முடியாது. ஆகவே சிலவுக்கும், வரவுக்கும் தானாகவே சரியாய் போய்விடும். இதற்குக் கடவுள் அற்புதம் ஒன்றும் தேவையில்லை.
-விடுதலை,21.7.17

மனுதர்ம நூலை அம்பேத்கர் எரிக்கச் சொல்கிறார்

சிலவற்றைத் தீர்த்துக் கட்ட வேண்டுமென்பதற்காகத் திட்டமிட்டு உருவாக்கப்பட்டதே மனுஸ்மிருதி.

அநீதிகளைச் செய்தாவது சிலவற்றை அழிக்கா விட்டால் பார்ப்பன இனம் அழிந்து போகும் என்றெண்ணி, அதற்காகச் சிதறி - ஒற்றுமையின்றிக் கிடந்த பார்ப்பனர்களை ஒன்று திரட்டி, சதி வேலைகளை நரித் தந்திரத்தின் மூலம் செய்து முடிப்பதற்காக விடப்பட்ட அறைகூவல் தான் மனுஸ்மிருதி.

சிதைந்த ஒற்றுமையை மீட்க அவ்வப்போது இதுபோன்ற முயற்சிகள் நடைபெறுவது வரலாற்று உண்மை. முயற்சி தன் மெய்வருத்தக் கூலி தரும் என்கிற பழமொழிக்கேற்ப, மிக மிக முயன்று, புதிய கொடுமையான பார்ப்பன (அ)நீதியை உருவாக்கியவன் மனு.

இந்த மனுஸ்மிருதி, நீதியும் நேர்மை மிக்க தத்துவத்தை அடிப்படையாகக் கொண்டதல்ல. அப்படிப்பட்ட நீதி நூலை உருவாக்குமளவுக்கு அவன் (மனு) ஒரு சமூகவியல் அறிஞனும் அல்ல. அவன் ஒரு அயோக்கியன்.

ஒரு குலத்துக்கொரு நீதி வழங்கும் இந்த மனுஸ்மிருதி தீ வைத்துக் கொளுத்தப்பட வேண்டும். மீளமுடியாக் கொடுமைச் சேற்றில் எங்களை புதைக்க எண்ணிய மனுஸ்மிருதியை, உயிரைப் பணயம் வைத்தாவது ஒழித்துக் கட்டியே தீர வேண்டுமென்று நாங்கள் முடிவு செய்தது இதனால் தான்.

அம்பேத்கர் சிந்தனைகள் என்ற நூலிலிருந்து

மகா விஷ்ணுவுக்கும் லட்சுமிக்கும் நடந்த சம்பாஷணை

- சித்திரபுத்திரன் -

16. 03. 1930 - குடிஅரசிலிருந்து...

மகா விஷ்ணுவான சிறீரங்க ரங்கநாதர்:- அடி என் அருமைக் காதலியாகிய லட்சுமி! இந்த உலகத்திலும், மேல் உலகத்திலும் உள்ளவர் களுக்கெல்லாம் அய்ஸ்வரியம் கொடுத்துவரும் செல்வ தெய்வமாகிய உன்னையே நான் மனைவியாகக் கொண்டு இருந்தும் என்னையே நீ சாப்பாட்டிற்கே லாட்டரி சீட்டு போடும்படியாய் செய்து விட்டாயே இது யோக்கியமா?

லட்சுமியான சிறீரங்கநாயகி:- நாதா என் பேரில் என்ன தப்பு? நீங்கள் என் ஒருத்தியோடு மாத்திரம் இருந்தால் பரவாயில்லை. இன்னமும் எத்தனையோ பேர்களை மனைவியாகக் கொண்டிருக்கிறீர்கள். இதெல்லாம் நீர் நன்றாய் நெய்யும் தயிரும் சாப் பிட்டதால் உமக்கு கொழுப்பு ஏறியதினால்தானே? உங்கள் பக்தர்களுடைய பெண்களையெல்லாம்கூட கைவைத்துவிட்டீர். இப்படிப்பட்ட உம்மைச் சாப் பாட்டுக்கே லாட்டரி போடும்படியாக ஏன் செய்யக்கூடாது?

விஷ்ணு:- அய்யய்யோ! அதனாலா இப்படிச் செய்துவிட்டாய்! நான் இதை ஒரு தப்பாக நினைக்கவே இல்லையே. அப்படிச் செய்வதும் ஒரு லட்சுமி கடாட்சம் என்றுதானே நினைத்திருந்தேன். உனக்குக் கோபமாயிருந்தால் நாளைய தினமே அவர்களையெல்லாம் விரட்டி அடித்து விடுகிறேன்.

லட்சுமி:- விளையாட்டுக்குச் சொன்னேன். கோபித்துக் கொள்ளாதீர்கள். இன்னும் எத்தனை வேண்டுமானாலும் சேர்த்துக் கொள்ளுங்கள். எனக்கு அதைப்பற்றிக் கவலையில்லை.

விஷ்ணு:- பின்னயேன் லாட்டரி சீட்டு போடச்செய்தாய்?

லட்சுமி:- வேறு சிலருக்கு அதாவது லாட்டரி சீட்டு போடுபவர்களுக்குச் செல்வத்தைக் கொடுப்ப தற்காக லாட்டரி சீட்டின் மூலமாய் செல்வத்தைச் சேர்ப்பதற்கு இப்படிச் செய்யச் சொன்னேன்.

விஷ்ணு:- அப்படியானால் அது எனக்கல்லவா அவமானமாய் இருக்கின்றது. எங்கு பார்த்தாலும் சிறீரங்கம் ரங்கநாதர் லாட்டரிச் சீட்டு, ரங்கநாதர் லாட்டரி சீட்டு என்று அல்லவா பணம் வசூல் செய்கின்றார்கள். இந்த அவமானத்தில் உனக்கும் பங்கில்லையா?

லட்சுமி:- அடேயப்பா இதில்தானா உமக்கு பெரிய அவமானம் வந்துவிட்டது? உங்கள் பேருக்கு முன்னால் பொட்டுகட்டி உங்கள் தாசியென்று பெயரும் செய்து கண்டகண்ட பசங்கள் எல்லாம் கொளுத்துகிறார்களே, அதிலில்லாத அவமானம் தானா  உமக்கு லாட்டரி சீட்டில் வந்துவிட்டது? பக்தர்களின் பெண்களைத் தாங்கள் கைப்பற்றுவதும், தங்கள் தாசிகளைப் பக்தர்கள் அனுபவிப்பதும் தங்களுக்கும் பக்தர்களுக்கும் உள்ள பந்துத்து வமாகும்.

விஷ்ணு:- அதெல்லாம்தான் இப்போது நமது உண்மை பக்தர்களாகிய சுயமரியாதைக்காரர்கள் தோன்றி சட்டசபை மூலமும், குடியரசு மூலமும் நிறுத்தி நமது மானத்தைக் காப்பாற்றி விட்டார்களே. இனி என்ன பயம். ஏதோ சில கெழடுகிண்டு இன்னும் கொஞ்ச நாளைக்கு இருக்கும். அப்புறம் நம்ம பேரால் இந்த அவமானமான காரியமாகிய அக்கிரமங்கள் நடக்காது.

லட்சுமி:- அப்படியானால் அது போலவே இந்தக் காரியமும் (அதாவது லாட்டரி சீட்டு போட்டு நமக்குச் சோறுபோடும் காரியமும்) அவர்களாலேயே சீக்கிரம் நிறுத்தப்பட்டுவிடும் கவலைப்படாதீர்கள், இன்னும் கொஞ்ச நாளைக்குப் பொறுத்துக் கொண்டிருந்தால் போதும். 

-விடுதலை,16.6.17

பெரியார் உலகம்: சைனா - சைவம்

பெரியார் உலகம்: சைனா - சைவம்: 09.02.1930 - குடிஅரசிலிருந்து... சைவன் : - அய்யா தாங்கள் இப்போது மலேயா நாட்டுக்குப் போய் வந்த பிறகு சைவமாய் விட்டீர்களாமே உண்ம...

ஒழுக்கம் கெட்ட மாணிக்கவாசகனுக்கு குரு வழிபாடாமே!

இந்து மதத்தில் ஏதாவது ஒரு விசேஷம் என்று ஏற்பாட செய்து பார்ப்பனீய சுரண்டலுக்கு வாசல் திறந்து வைப்பார்கள். பக்திப் போதையில் சிக்கி மக்களோ ஏன் எதற்கு என்று கேட்காமல் கண்களை மூடிக் கொண்டு ஆட்டு மந்தையாய் அவற்றையெல்லாம் நம்பி பாடுபட்டு உழைத்த பொருளை எல்லாம் புரோகிதத்  தொப்பைக்குள் அறுத்துக் கட்டுவார்கள்.

வரும் ஜூன் 28ஆம் தேதி சிறீ மாணிக்கவாசகர் குரு வழிபாடாம். அதுபற்றிய புராண அளப்புகள் இதோ:

மாணிக்கவாசகரின் குருவழிபாடு

இந்துமத பண்டிகைகள் தகவல்கள் என்கிற பெயரில்  கையேடுகளில் மத, புராணக் குப்பைகளை அடிப்படையாகக் கொண்டு  ஒவ்வொரு மாதத்திலும் சில நாள்களைக் குறிப்பிட்டு அதற்குரிய பண்டிகை, மத புராண கதைகளையொட்டி அந்த நாள்கள் இடம்பெற்றுள்ளன.

28.6.2017 அன்று சிறீ மாணிக்க வாசகர் என்று குறிப்பிடப்பட்டுள்ளது. 32 வயது வரை மட்டுமே வாழ்ந்தவரான மாணிக்கவாசகர் முதல் முதலில் சிவ பெருமானை குரு வடிவாக குருந்த மர நிழலில் கண்ட தாக பாடுகின்றார்.

‘குருவடி வாகிக் குவலயம் தன்னில்

திருவடி வைத்துத் திறமிது பொருளென

வாடா வகைதான் மகிழ்ந்தெனக் கருளிக்

கோடா யுதத்தால் கொடுவினை களைந்து

உவட்டா உபதேசம் புகட்டி என் செவியில்’

மாணிக்கவாசகர்

மாணிக்கவாசகர் பாட அதை தன்னுடைய கரங்களி னாலேயே தமிழில் எழுதி கொடுத்தான் சிவன்! அது தான் திருவாசகமாம்.

பரி, நரி- கதை

மதுரையை ஆண்ட இரண்டாம் வரகுண பாண்டியன் அவையில் அமைச்சராக இருந்ததாகவும், (காலம் 863 -911) 9 ஆம் நூற்றாண்டில் வரகுண பாண்டியன் காலத்தைச் சேர்ந்தவர். இவர் அரிமர்த்தன பாண்டியனிடம் தலைமை அமைச்சராக பணியாற் றினார் என வரலாறாக காலத்தையும் குறிப்பிட்டுவிட்டு,

மாணிக்கவாசகர் - சிவன் குரு சிஷ்யக்  கட்டுக்கதை களையும் அவிழ்த்துக் கொட்டுகிறார்கள்.

ஒருமுறை மன்னனுக்குச் சோழநாட்டில் நல்ல குதிரைகள் வந்திருக்கின்றன என்று கேள்விப்பட்டு, அமைச்சர் மாணிக்கவாசகரிடம் பொன் கொடுத்து, அந்தக் குதிரைகளை வாங்கி வரும்படிப் பாண்டிய மன்னன் பணித்தான். மாணிக்கவாசகர் பொன்னோடு திருப்பெருந்துறையை (அறந்தாங்கி அருகே இருக்கும் ஆவுடையார் கோவில்) அடைந்தார். பொறுப்புள்ள அமைச்சரான(-?) மாணிக்கவாசகர் அங்கே இருந்த குருந்த மரத்தின் அடியில் சிவபெருமானே குருவடிவு எடுத்து அமர்ந்திருந்ததைக் கண்டு, சிவன்முன் சென்று மாணிக்கவாசகர் பணிந்து, குருவின் திருக்கரத்தில் இருப்பது என்னவென்று கேட்க, அவர் சிவஞான போதம் என்றார்.

'சிவம் என்பதும், ஞானம் என்பதும், போதம் என்பதும் யாது? அடியேனுக்கு இவற்றைப் போதித் தால் நான் உமது அடிமையாவேன்' என்ற மாணிக்க வாசகருக்கு சிவஞானத்தை போதித்து, திருவடி தீட்சையும் கொடுத்தாராம் குருமூர்த்தி வடிவத்தில் வந்த சிவன். தன் அமைச்சர் கோலத்தை அகற்றிக் கோவணம் பூண்டு, வாய்பொத்திக் குருவின் முன்  நின்ற மாணிக்கவாசகரை, அவருடன் வந்த அரசனின் சிப்பந்திகள் அழைத்தும், அவர்களுடன் செல்ல மறுத்துவிட்டாராம் பொறுப்புள்ள அமைச்சரான(-?) மாணிக்கவாசகர்.

பாண்டியன் ஒற்றர்களிடம் திருமுகம் (அரசனின் ஆணை தாங்கிய ஓலை) கொடுத்துக் கையோடு மாணிக்கவாசகர் அழைத்துவரக் கட்டளையிட்டான்.

'குருமூர்த்தியின் திருமுகம் கண்ட கண்ணால் வேறொரு திருமுகம் காண்பதில்லை' என்று கூறி மாணிக்கவாசகர் அதனைக் குருவிடமே கொடுத்து விட்டார். அதைப் படித்த குருமூர்த்தி, ஒரு மாணிக்கக் கல்லை ஒற்றர் கையில் கொடுத்து 'குதிரைகள் வர நல்ல நாளில்லை. ஆவணிமாதம் மூல நட்சத்திர நாளன்று மதுரைக்குக் குதிரைகள் வந்து சேருமென்று போய்ச் சொல்' என்று அரசனிடம் திருப்பி அனுப் பினார்.

சொன்ன நாளும் அருகில் வந்துகொண்டிருந்தது. ஆனால் குதிரைகள் வருவதாகக் காணோம். மன்ன னுக்குக் கோபம் வந்தது. மீண்டும் ஒற்றர்களிடம் குதி ரைகள் இருக்குமிடத்தை அறிந்துகொண்டு வரச் சொல்லி அனுப்பினான். அவர்கள் 'எங்குமே குதிரைகள் தென்படவில்லை' என்ற செய்தியோடு திரும்பினர்.

ஆவணி மூலமும் வந்தது. குதிரைகள் வரவில்லை. 'இன்றைக்குள் குதிரைகள் வராவிட்டால் உம்மை வெயிலில் நிறுத்துவேன்' என்று கூறிப் பாண்டிய மன்னன் மாணிக்கவாசகரை எரிக்கும் வெய்யிலில் நிறுத்தினான். அதற்கும் மாணிக்கவாசகர் அசைய வில்லை. இரும்புக் கிட்டியால் (iron clamps) இறுக் கினர். மாணிக்கவாசகர் சிவனை தஞ்சம் அடைந்தார்.

உடனே சிவனின் சிவகணங்களை குதிரை வீரர்களாகவும், நரிகளைக் குதிரைகளாகவும் மாற்றி மதுரைக்கு அனுப்பி, தாமே அதற்குத் தலைவராக நடத்தி வந்தார். இதனாலே இறைவனுக்கு பரிமேலழகர் எனும் காரணப் பெயர் ஏற்பட்டது. ஏராளமான உயர் ரகக் குதிரைகள் மதுரையை நோக்கி வரும் செய்தியை ஒற்றர்கள் மன்னனுக்குச் சொல்லவே அவன் மகிழ்ந்து அமைச்சரைப் போற்றினான்.

குதிரை அணிவகுப்புத் தலைவன் அரசனிடம் குதிரைகளை முன்னும் பின்னும் நடத்தி, அவற்றின் உறுப்புச் சிறப்பைக் கூறி, 'இவை உன்னுடையவை' என்று கூறி ஒப்படைத்தான். விலைகூடிய பீதாம்பரம் ஒன்றை அரசன் அவனுக்குப் பரிசாக அளித்தான். அவனோ அதைத் தன் சவுக்கினால் வாங்கி, குதிரையின் மேல் போட்டுவிட்டு விடைபெற்றான்.

அன்றிரவே குதிரைகள் மீண்டும் நரிகளாக மாறி, முதலில் அந்தக் கொட்டடியில் இருந்த குதிரைகளையும் கடித்துவிட்டு ஓடின. இதை அறிந்த அரிமர்த்தன பாண்டியன் மிகவும் கோபம் கொண்டான். கொடுத்த பொன்னையெல்லாம் திருப்பித் தரும்வரை திருவாதவூ ராரை வைகையாற்று சுடுமணலில் நிறுத்தி வைக்குமாறு கூறினான்.

வைகை வெள்ளமும் வந்தியும்

சிவனுக்கு அவன் அடியவரின் துன்பம் பொறுக்க வில்லை. கங்கையை வைகையில் பெருக்கெடுக்கச் செய்தார். கரையை உடைத்துக்கொண்டு ஆறு பெருக்கெடுக்கத் தொடங்கிவிட்டது. உடனே பாண்டிய மன்னன் வீட்டுக்கு ஓர் இளைஞன் வந்து கரையை அடைக்கவேண்டும் என்று முரசு அறைவிக்கிறான். வந்திக் கிழவி எனும் ஒரே ஒருவள் மட்டும் வீட்டிலும் யாருமில்லாமலும், ஏவலாளரும் இல்லாமல் யோசித்துக் கொன்டிருக்கையில் சிவனே ஓர் இளைஞன் வடிவில் வந்தியிடம் வந்து வேலை செய்யட்டுமா என்று கேட்கிறான். "செய், ஆனால் நான் கூலியாக உதிர்ந்த பிட்டு மட்டுமே தருவேன்" என்று வந்தி கூறு கிறாள். அதற்கு உடன்பட்ட சிவன் தனது 'வேலையைத்' தொடங்குகிறான்.

அன்றைய நாளில் வந்திக்கு எல்லாப் பிட்டும் உதிர்ந்து போகிறது. இளைஞன் மூக்கு முட்டச் சாப்பிட்டுவிட்டு, மரநிழலில் துண்டை விரித்துத் தூங்குகிறான். மன்னன் வந்து பார்க்கிறான். கரையில் மற்றவர் பங்குகள் அடைபட்டிருக்கின்றன. வந்தியின் பகுதி உடைந்தே கிடக்கிறது.

பிரம்படி

கோபம் கொண்ட அரசன் கூலியாளைப் பிரம்பால் அடித்தான். கூலியாளோ ஒரு கூடை மண்ணை உடைப் பில் கொட்ட, அது மாயமாகச் சரியாகிவிட்டது. அவன் மறைந்து போனான். ஆனால் அவன் மீது பட்ட பிரம்படி உலகெல்லாம் உள்ள அனைத்து உயிர்களின் மேலும், கருவில் இருந்த குழந்தை மீதும், படவே பாண்டியன் கலங்கிப் போனான்.

அப்போது சிவனின் குரல் அசரீரியாய் கேட்டது, 'மன்னவா! வாதவூராரின் பொருட்டு இத்திருவிளை யாடலை நாம் செய்தோம். இதனை அறியாது நீ கோபம் கொண்டாய்' என்று அக்குரல் சொல்லிற்றாம்.

மன்னன் மீண்டும் வாதவூரடிகளைத் தனக்கு அமைச்சராக இருக்க வேண்டினான். அவருக்கு அந்த ஆசை சிறிதும் இல்லாமையால், சிவத்தலங்களுக்குச் சென்று பாடித் துதித்துப் பின் திருச்சிற்றம்பலம் எனப்படும் சிதம்பரத்துக்கு வந்தாராம்.

பார்ப்பனராக சிவன்

சிதம்பரத்திலும் சிவன் மாணிக்கவாசகர் முன்னர் ஒரு வேதியர் போல வந்தார். அவரை வர வேற்று வணங்கி 'தாங்கள் யாரோ?' என்று வாதவூரார் கேட்டார்.

'நான் பாண்டி நாட்டைச் சேர்ந்தவன். உமது புகழைக் கேட்டு நீர் பாடிய பதிகங்களை ஓத வந்தேன்' என்று பார்ப்பனர் கூறினார்.

'நான் சொல்கிறேன், நீர் அவற்றை எழுதும்' என்று கூறினார் திருவாதவூரார்.

அதற்கு ஒப்புக்கொண்ட பார்ப்பனர் பலப்பல செய்யுட்களை எழுதி முடித்தார். இறுதியில் திருச்சிற்றம்பலமுடையார் மீது ஒரு கோவைப் பிரபந்தம் பாடவேண்டும் என்று வேண்டினார். வாதவூரடிகளும் பாடி முடித்தார்.

முடித்ததும், ஓலைச்சுவடியின் முடிவில் 'மாணிக்க வாசகன் சொற்படி அம்பலவாணன்' என்று கையொப் பமிட்டு, திருமுறையைக் கோவிலின் திருவாயிற்படியில் வைத்து விட்டு மறைந்தார்.

அதைப் பார்த்த ஒருவர் அவ்வேடுகளை எடுத்துப் பார்க்க, அது திருவாசகமும், திருக்கோவையும் கொண்ட சுவடியாய் இருந்தது.

மிகவும் மனம் மகிழ்ந்த அவர் தில்லை மூவாயிரவரைக் கூட்டிப் பூசைகள் செய்தார். மூவாயிரவர் நடந்த நிகழ்ச்சிகளின் பொருள் என்ன என்று வாத வூராரைக் கேட்டனர். அவர்கள் அனைவரையும் திருச்சிற்றம்பலத்துக்கு அழைத்துச் சென்ற வாதவூரார் பொருள் இதுவே என்று கூறித் தில்லையம்பலத்தைக் காட்டி மறைந்தார்.

இந்தப் புராண அளப்புகளை கடுகு மூக்கு அறிவுள் ளவர்களால்கூட ஏற்றுக் கொள்ளப்பட முடியுமா?

அரசன் குதிரை வாங்கப் பொன் கொடுத்து அனுப் பினால், அமைச்சர் அந்தக் கடமையைச் செய்யாதது எந்த வகையில் யோக்கியமானது?

தன் பக்தனுக்காக நரியைக் குதிரையாக்கி அனுப் பியவன் கடவுளாம் - சிவனாம் இது அசல் ஒழுக்கக் கேடு அல்லவா?

அப்படிதான் நரிகளை குதிரையாக்கி அனுப்பி னானே அதிலாவது ஒரு நாணயம் இருக்க வேண்டாமா! அவை இரவோடு இரவாக ஊளையிட்டு நரிகளாக ஓடின என்றால். இந்தப் பித்தலாட்டத்தை என்னென்று சொல்ல!

இந்தக் கதைகளையும், புராணப் புளுகுகளையும், பக்தியையும் ஏற்றுக் கொள்பவன் ஒழுக்கம் உள்ளவ னாக நாணயம் உள்ளவனாக நடக்கத்தான் முடியுமா?

சுடு மணலில் நின்ற பக்தனைக் காப்பாற்ற வைகையில் வெள்ளத்தை ஏற்படுத்தினானாம்.

சிவன் என்ன அடி முட்டாளா? சுடு மண்ணில் தன் பக்தனை நிறுத்தினாலும் அந்தச் சுடுமணல் அவனை சுடாதவாறு அருள்பாலிக்க வேண்டியதுதானா?

கூலி வாங்கிக் கொண்டு வேலை செய்யாமல் படுத்துத் தூங்குவதுதான் பண்பாடா? அதனால் அரசர் அவனை  அடித்தபோது, உலகில் உள்ள ஒவ்வொரு உயரின்மீதும் அந்த அதிர்வு ஏற்பட்டதாம். (அப்படி அதிர்வு ஏற்பட்டதாக எந்த அமெரிக்கக்காரனும் ஆஸ் திரேலியக்காரனும் புராணம் எழுதி வைக்கவில்லையே!

ஆமாம். இந்த மதக் கடவுள்கள் இப்பொழுது எல்லாம் அது போன்ற நடவடிக்கைகளில் ஈடுபடாதது ஏன்? கோயில்களில் சிலைகளாக, பொம்மைகளாக அடித்து வைப்பதைத்தவிர வேறு எந்த நடவடிக்கையை யும் காண முடியவில்லையே ஏன்? ஓ, பெரியார் என்ற ஒரு 'மாமனிதர் தோன்றியதால் ஓடி ஒளிந்து விட்டாரா?

அட வெட்கக் கேடே!

ஒழுங்கீனமும், மோசடியும், பித்தலாட்டமும்தான் இந்து மதமா?

கடைசியாக ஒரே ஒரு கேள்வி சிவனின் பேரருள் பெற்ற  அந்த மாணிக்கவாசகர் முப்பத்திரெண்டே வயதில் மண்டையை போட்டது ஏனாம்?

- கருஞ்சட்டை -

-விடுதலை,25.6.17