பிள்ளையாருக்கும் நமக்கும் தொடர்பு உண்டா?

பிள்ளையார் யார்? அறிஞர்கள் பார்வையில்....

மராட்டியர்களின் தனிப் பெருங் கடவுள் விநாயகர். அவர்களது தேசியத் திருவிழா விநாயகர் சதுர்த்தி. பம்பாய் சேட் டுகள் வருமுன்பே அவர்கள் நாட்டுக் கடவுள் தமிழ் நாட்டில் புகுந்து தெருக் கோடி, ஆற்றோரம், குளக் கரை, அரச மரத்தடி மற்றும் அங்கிங்கெனாதபடி எல்லா இடங்களையும் ஆக்கிரமித் துள்ளது.

தமிழகத்துக்குள் நுழைந்ததெப்படி?

சோழ சாம்ராஜ்யத்தில் அமைச்சராக இருந்த சேக் கிழார் - சிறந்த வீரனான சிறுத்தொண்டர் படை யுடன் வடக்கே சென்று வாதாபியைக் கைக் கொண்ட வரலாற்றை பெரிய புராணமாகப் பாடுகிறார்.  கிபி.641 -_ 642ல் மகாபுலி புரத்து மன்னன் நரசிங்கவர் மனின் படைத் தளபதியே சிறுத் தொண்டர் வாதாபியை வென்றவர். கணபதிக்கு வாதாபி கணபதி என்பதும், வாதாபி வெற்றியே கணபதீச் சுரம் கோயில். அன்று முதல் கணபதி திரு விளையாடல் தமிழ்நாட்டில் வளரத் தொடங்கியது.

மதுரைப் பல்கலைக் கழகத்தின் முன்னாள் துணைவேந்தர் அறிஞர் தொ.பொ. மீனாட்சி சுந்தரனார் கூறு கிறார், தொல்காப்பியத்தைப் பார்க் கிறேன், வேழமுகனைக் காணோம். சங்க நூல்களில் தும்பிக்கை ஆழ்வார் தோற்ற மளிக்கவில்லை. மணிமேகலை, சிலப்பதி காரம், பதினெண்கீழ்க்கணக்கு எனப் பழங்காலத்திலிருந்து புதுக்காலம் வரை எங்கும் பிள்ளையார் காணவில்லை. கபிலர் பிள்ளையார் இரட்டை மணி மாலை பாடியது. சங்க காலக் கபிலர் அல்ல என்பது தெளிவு. கரிய தேவ நாயனார் என்பவரே அதீப்பாடலைப் பாடியவர். முதன் முதலில் கணபதி என்ற பெயர் கேட்கப்படுவது கணபதிச்சுரம் என்ற கோயிலைக் கட்டிய சிறுத் தொண்ட நாயனார் காலத்தில்

சிவன் யார்? முருகன் யார்? கைலாயம் என்பது கோயில் என்பதன் திரிபு சிவன் என்பது சிவந்தவன் என்னும் பொருள் தரும் தனித் தமிழ்ச்சொல். பண்டையோர் இப்பெயரை ஆதியில் ஞாயிறுக்கிட்டு வழங்கினர். எனவே ஞாயிறு அதாவது சூரிய வழிபாடே தமிழர் வழிபாடு. முருகன் என்பதற்கு இளையவன், அழகு என்றும், இள ஞாயிறே முருகன் எனப்பட்டது. ருத்திரன் என்பது சிவன் என்பதன் வடமொழி (தமிழர் சரித்திரம் ந.சி. கந்தையா).

சூரிய வழிபாடும் இயற்கை வழிபாடும் வழிவந்த தமிழகத்தில் பிள்ளையார் புகுந்து, சிவனுக்கு மகனாகவும், முருக னுக்கு அண்ணனாகவும் புகுந்தது தமி ழகத்தில் சமயத்தில் ஆரிய ஊடுருவலால் தான்.

தமிழகத்தில் பிள்ளையார் வணக்கம் கி.பி. 7ஆம் நூற்றாண்டில் வந்தது. அதற்குமுன் பிள்ளையார் பெயர் இல்லை. கி.பி.7ஆம் நூற்றாண்டுக்குமுன் உள்ள சுவடிகளிலும்  பிள்ளையார் சுழி காணப்படுகிறது. தமிழகத் தில் ஓலையில் எழுதும் பழக்கம் சுமார் 2000 ஆண்டு களுக்குமுன்பே தோன்றியிருக்கிறது. ஓலை காய்ந்திருந்தாலும் பச்சை யாக இருந்தாலும் எழுத் தாணி கூர்மையாக இருந்தாலும் மொக்கையாக இருந்தாலும் எழுத வராது. அதை பதத்தைப் பார்க்க ஒரு சுழியையும், கோட்டையும் இழுத்துப் பார்ப்பதுண்டு. இதுவே பிள்ளையார் சுழி ஆகி யிருக்க வேண்டும் (கி.ஆ.பெ. விசுவநாதம்) பிள்ளையார் பிரம்மச்சாரியா? இவர் சித்தி, புத்தி, வல்லபை மற்றும் விஷ்ணுகுமாரி களான மோதை, பிரமோதை, சுமகை, சுந்தரி, மனோரணம், மங்கலை, கேசனி காந்தை, சாருகாசை, சுமத்திமை, நந்தினி, காமதை முதலிய பெண்களை மணந்தவர்.

மேலும் இறைவன் உலகையும் உயிர்களையும் உற்பத்தி செய்ய நான் முகனைப் படைத்தார். பிரம்மாவுக்கு உயிர்களைப் படைப்பதெப்படி என்று புரியவில்லை. அவருக்கு அருள்புரிய ஆனை முகன் வடிவில் ஆண்டவன் வந்தான். அறிவினைத் தூண்டும்படியான புத்தி, காரியத்தை முடிக்க சித்தி என்ற இரு சக்திகளைப் பிரித்து பிரமனிடம் அனுப்ப தன் புதல்விகளாக அவர்களை ஏற்றுக் கொண்ட பிரமன் படைக்கும் தொழிலை ஆரம்பித்தார். தொழிலை முழுதுவமாக உணர்ந்து கொண்ட பிரம்மா, பிள்ளையாரிடமிருந்துபெற்ற சக்திகளை திரும்ப அவரிடமே சேர்க்க எண்ணி திருமணம் என்ற பெயரில் செயல்படுத்த விரும்பினார். சித்தி, புத்தி திருமணம் விநாயகருக்கு நடந்து சுபம், லாபம் என இரு குழந்தைகள் பிறந்தன.

மேலும் பிள்ளையார் பிறப்பு, அசுரனை அழித்து மூஷிகனை வாகன மாக்கியது போன்ற ஆபாசங்கள் கணக்கிலடங்கா.

அதைத்தான் தந்தை பெரியார் சொல்கிறார், தமிழிலிருந்து சைவ வைணவ போன்ற சமயத் தொடர்பான வடமொழிகளை எடுத்து விட்டால் பெரும்பாலான மூடப் பழக்கங்கள் ஒழிந்துபோகும். மதத்துக்கும் அது தொடர்பான மூடப்பழக்கங்களைக் குறிப்பதற்கும் வடமொழியில் தான் சொற்கள் இருக்கின்றன. தமிழில் இல்லை

தமிழ்நாட்டில் பிறந்து, தமிழே வீட்டில் பேசி, தமிழராகவே வாழ்ந்த வடமொழி அறிஞர்கள் தமிழ் நூல் களைப் புறக்கணித்தார்கள். தமிழை நீச பாஷை என்றும் வடமொழி தேவபாஷை என்றும் எந்த நூலிலாவது உயர்ந்த கருத்துக்கள் இருந்தால் அது வடமொழியி லிருந்து கடன் வாங்கப்பட்டது என்றும் தமிழ் நூல்களைப் படிக்காமல் புறக் கணித்தார்கள் என்ற டாக்டர் மு.வ. அவர்களின் கருத்துரையையும் நோக்குக.
ஆரியப் பண்டிகையைத் தவிர்ப்போம்!

- சிவ. பாலசுப்ரமணியன், கண்ணந்தங்குடி மேலையூர்

விடுதலை ஞா.ம.16.8.14